Gratur og gnistran tanna

TILKYNNING!

Siminn minn frabæri, fallegi og fimm ara gamli er biladur. Sem tydir ad:

- eg fæ ekki smsin sem mer eru send fyrr en um tad bil halfum solarhring seinna
- ef tid hringid og eg svara ekki (vegna tess ad eg er i vinnunni eda heyri ekki i simanum) ta ekki buast vid ad eg hringi fyrr en eftir halfan solarhring, tvi siminn minn er stilltur tannig ad i stadinn fyrir ad sja "one missed call" a skjanum, ta fæ eg alltaf sms sem segir "12 34 56 78 hringdi klukkan 17:15" eda eitthvad alika. Og tar sem ad eg fæ ekki smsin fyrr en halfum solarhring sidar, ta get eg natturlega ekki sed fyrr en ta ad tid hafid hringt...

Ætla bradum ad kaupa mer nyjan sima. Draumurinn er ad eignast sima med myndavel! Tangad til verdid til annad hvort ad sina mer tolinmædi eda senda mer e-mail...

Verd ad tjota!

Bestu kvedjur, Anna simalina

Botninn er suður í Borgarfirði

Ný færsla, ég endurtek, NÝ FÆRSLA!!! Já, ég veit ekki alveg hvað hefur hlaupið í mig núna, kannski af því að karlinn ákvað að stinga af í fimm klukkutíma eða svo og ég veit ekkert hvað ég á af mér að gera. Ég er líka inneignarlaus og því úr öllu sambandi við umheiminn, og ég sem ætlaði að hringja í nokkra vel valda aðila og fá djammslúðursögur gærkvöldsins beint í æð, en nei, það verður að bíða betri tíma.

Já, margt að gerast og margt búið að gerast. Undanfarinn mánuð er ég búin að fara í 517 matarboð og 648 sinnum út að borða. Dýragarður, sædýrasafn, sleep-over sinnum 27, djamm, vorhreingerning, versla, þvo þvott, baka, vinna, ólsen-ólsen og allskonar bras voru líka á dagskránni núna seinustu vikur. Alltaf nóg að gera :)

Núna er ég í páskafríi og ó þú ljúfa líf! Það var að sjálfsögðu villt páskadjamm á fimmtudaginn (fyrradag) þar sem sumir (já eða hreinlega allir) fengu sér allhressilega í báðar tærnar og fór gærdagurinn því að langmestu leiti í þynnku hjá öllum sem að djamminu komu. En ég reif mig þó upp á rassgatinu og lagaði til og bakaði köku og bauð svo Hildi Evu til mín í X-factor gláp, júhú :) Þetta er orðið ægilega spennandi og ég veit hreinlega ekki hvað ég geri ef Martin vinnur þetta ekki, sennilega leggst ég í þunglyndi og mun aldrei sjá sólarglætu í lífi mínu aftur. Já, hér koma nokkrir linkar á hann, ég mæli með að þið hækkið allduglega í græjunum! (Og hafið það í huga að hann er bara 15 ára!!!).

- Hérna syngur hann Queen-smellinn Somebody to love. Þessi frammistaða hans hefur vakið heimsathygli og ekki að ástæðulausu! http://www.youtube.com/watch?v=qrnfMyOIJ2c

- Hérna syngur hann Kiss From a Rose http://www.youtube.com/watch?v=C84WFzBMugQ

- Og þetta söng hann í gærkvöldi, What Goes Around með Justin Timberlake, mammamía! http://www.youtube.com/watch?v=9QKhff0yge8&feature=related

En jæja, ég nenni ekki að blogga meira, ég þarf nefnilega að skella mér útí búð í snjókomunni. Minn ágæti kærasti var nefnilega rétt í þessu að hringja og biðja mig um að fara í SuperBrugsen og kaupa meira skiiir og múslí... Ég hrærði nefnilega skyr handa okkur núna í vikunni og vakti það mikla lukku.

Anna: Og núna er ég búin að hræra þetta, þetta er svona eiginlega íslensk jógúrt, og værsgo.
Peter: Já þetta lítur vel út.
Anna: Já, og núna gerirðu bara eins og ég og setur mjólk út á.
Peter: Nei ég ætla ekki að fá mér mjólk. MMMMM þetta bragðast vel elskan!
Anna: Já, en hérna er mjólkin, maður setur hana alltaf út á líka.
Peter: Nei þetta er geggjað svona. Hey, eigum við nokkuð múslí?
Anna: MÚSLÍ???
Peter: Já, af því að það eru 11 grömm af próteini í hverjum 100 grömmum af þessari jógúrt og með smá múslíi væri þetta fullkomið fyrir mig sem matur fyrir ræktina!
Anna: Jamen min kære skat, maður borðar þetta ekki með múslíi!
Peter: Jújú, þetta er geggjað gott. Já nú veit ég hvað við eigum að setja á innkaupalistann: SKUJR!!!
Anna: BWAHAHAHAHA þetta heitir ekki skujr!!!
Peter: Jú víst, það stóð utan á dollunni!
Anna: Haha, já en á íslensku segir maður "skir" því y segir i en ekki uj eins og á dönsku.
Peter: Núúú, skjííír!
Anna: Nei, skir!
Peter: Skiiir!

Þannig að núna ætla ég að strunsa útí búð og kaupa skiiir og múslí.

Hagið ykkur vel! Bestu kveðjur, Anna Lauritz

Men snälla Pippi!

Jæja góðir hálsar, ný færsla stútfull af engum fréttum!

Ég vil byrja á því að þakka Elísu fyrir að hafa heimtað nýtt blogg, ég var farin að halda að enginn saknaði mín.

Eina fréttin sem ég hef að færa í dag er að ég er hér með orðin opinber meðlimur facebook. Já, ég læt alltaf undan hópþrýstingi, og það er augljóst mál að myspace er ekki jafn kúl og facebook.

En svo við komum okkur að kjarna málsins þá:

a) megið þið endilega búa ykkur til facebook ef þið eigið ekki svoleiðis nú þegar og adda mér inn hjá ykkur
b) skulum við það hafa það á hreinu að ég fatta ekkert hvað þetta er og út á hvað þetta dót gengur. Allt í einu veit tölvan hverjir eru vinir mínir og hverja ég þekki og svo er fólk alltaf að segja hvernig maður þekkir hvort annað (sé ekki alveg tilganginn í fljótu bragði?) og svo hef ég ekki glóru um hvernig maður talar við fólk þarna, ef maður á þá að gera svoleiðis. Í stuttu máli sagt þá finnst mér gaman að taka persónuleikaprófin en hitt draslið fatta ég ekki.

Fleira var það ekki að sinni. Hafið það gott! Ástarkveðjur, Anna Bókarfés

Nú liggur vel á mér (og mér líka)

Gvöð, það er alveg agalegt hvað teljarinn minn hækkar syndsamlega hægt eftir að ég hætti að nenna að blogga, svo ég á engin úrræði önnur en að skella einni færslu á ykkur.

Það er alltaf nóg að gera hér í veldinu. T.d. kom hann Ingi minn í stutta heimsókn hingað í seinustu viku. Hann hafði verið í Svíþjóð og vantaði gistingu á leið sinni til Íslands. Og að sjálfsögðu fékk hann að gista hjá mér (það er bannað að koma til Köben án þess að gista hjá mér því ég er búin að splæsa í svo mörgum vindsængum af öllum stærðum og gerðum!) og var það aldeilis ljómandi gaman :) Við fórum út að borða og allskonar þennan hálfa sólarhring sem hann stoppaði... Reyndar stoppaði hann nú mun lengur en það hérna í Kaupmannahöfn því hann var veðurtepptur í 26 klukkutíma á Kastrup-flugvelli! Og hann gat ekki komið og gist aftur hjá mér því flugið átti alltaf að fara eftir tvo tíma og svo þrjá tíma og svo tvo tíma og svo framvegis. Kræst.
Hann Ingi minn í metrónum á leiðinni á flugvöllinn.
Ég er alltaf svo hress og fersk á morgnana...

Jájá.
Ég og Ingi minn :)

---

Já, lífið gengur sinn vanagang. Fyrir þá sem ekki vita, þá flutti ég að búferlum mínum að hálfu niður til Kastrup (ekki til flugstöðvarinnar samt!) fyrir nokkrum vikum síðan og bý þar að langmestu leiti. Sambúðin hjá okkur Pésa mínum gengur eins og í sögu. Hann var að sjálfsögðu snöggur að aðlaga sig og dreifði (óumbeðinn!) kertastjökum hingað og þangað um íbúðina, svo kaupir hann blóm handa mér í hverri viku til þess að fá lit í stofuna og næsta skref hjá honum er að kaupa "altankasse" eða svona langan blómapott sem á að hanga á svalarhandriðinu hjá honum svo ég geti farið að planta blómum! (Hans hugmynd, ekki mín ;) ). Og haldið þið svo ekki að minn maður hafi gert sér lítið fyrir og gefið mér tíma í klukkutíma andlitsdekur (ansigtsbehandling) fyrir mig og eina vinkonu á morgun! Ég var ekki lengi að hringja í hana Hildi mína og fá hana til þess að koma með mér ;) Ohoho ég hef aldrei prófað svoleiðis áður :)

Niðri í Kastrup er eldað á hverju kvöldi (eða já, Peter eldar og ég kveiki á kertum og dúlla við að gera servíettubrot og svoleiðis) og eitt kvöldið ákváðum við að hafa pönnukökur í eftirmat. Og þá þurfti að sjálfsögðu að prófa að kasta pönnukökunum hátt upp í loftið og grípa aftur með pönnunni...

...og það tókst að sjálfsögðu snilldarvel. Ég tek það fram að ég reyndi ekki þessa kúnst!

Og svo var farið á skauta ásamt fríðu föruneyti. Það liðu samt ekki nema fimm mínútur áður en allir voru orðnir betri en ég á skautum (ég tek það fram að ég lærði á skauta þegar ég var fimm ára en allir hinir á sunnudaginn!).

Peter var búinn að horfa einum of mikið á Varm på is (dönsku útgáfuna af Dancing on Ice) og skellti sér beint í dansinn!

Og svo erum við að sjálfsögðu alltaf að brasa eitthvað. Fórum t.d. í Planetariet (þrívíddarbíó) og út að borða með vinapari núna um helgina og svo erum við með allskonar plön fyrir næstu helgar.
Já, það ætti nú ekki að fara fram hjá neinum hvað (hver...) er mér efst í huga þessa dagana!
---

En nú verð ég að fara og gera eitthvað gáfulegt. Er í fríi á morgun og ætla að taka daginn snemma og skella mér í apótek og fleira dúllerí, og svo förum við Hildur í andlitsdekrið :) Helgarplönin eru í góðum gír, sjónvarpgláp (x-factor) á föstudaginn og tøseaften á laugardaginn og dýragarðurinn á sunnudaginn. Held að maður geti ekki beðið um meira!

Þetta er komið gott. Við hittumst heil! Ástarkveðjur, Anna skellibjalla

(Ég og Peter)

Noh mín bara dugleg!

Jahú, blogg númer tvö á tveimur dögum! Þið megið kyssa á mér tærnar núna takk :)

Já, ég er nýkomin heim eftir agalegan vinnudag, 11 tímar, fáááránlegt magn af kúnnum og ég á hlaupum allan tímann að stressast í að halda öllu í kontrol. Vippaði mjólkinni (hef aldrei séð svona mikla mjólk áður!) upp á mettíma (tvisvar sinnum, fyrst um morguninn og svo um miðjan dag), drukknaði í kjöti, líka tvisvar sinnum, skellti mér svo í grænmetið (sem er svo sannarlega ekki stelpustarf en því miður voru engir strákar í vinnunni í dag) og kastaði almennum vörum upp í hillur í miklu offorsi. Fékk svo auðvitað yfirmannslyklana í hausinn (sem ég á nú ekkert að hafa með að gera en fæ þá nú yfirleitt samt *dæs*) og var því í því að redda kassa- og kúnnavandamálum í allan dag. Því að jú, einhver varð að sjá um hlutina meðan allir hinir sátu á kössunum fimm og afgreiddu á 140 km/klst hraða í allan dag. Og svo leit búðin út eins og svínastía eftir lokun svo það tók tvo klukkutíma að laga til og þrífa. Jei.

Ég verð nú eiginlega að játa að ég hálfpartinn sakna tímans þegar maður fékk að sitja á kassanum í friði og ró og slappa af. En lífið er ekki svo ljúft lengur og pressan á að ég fái mér lyklavöld og þar með hinn "stórglæsilega" starfstitil "leder" er orðin ansi mikil frá efstu yfirmönnum, verst bara að ég tek ansi dræmt í þá hugmynd, því ég veit hvað það felur í sér mikið stress alla daga. Svo ég ætla bara að halda áfram að vera óbreyttur starfsmaður með smá lyklaívafi annað slagið og vona að ég fái stundum að tylla mér við kassann, ólíkt seinustu vikum. Púff.

Annars er ég í fríi á morgun (húrra!) og ætla að því tilefni að kenna honum Peter mínum á skauta. Fyrst hann er nú að velja íslenskt já takk á annað borð verður hann að sjálfsögðu að læra allt þetta íslenska. Er svo náttúrulega búin að ljúga því að honum að ég kunni líka að standa á skíðum, en "því miður" eru engar brekkur í Danmörku svo ég get ekki sýnt honum hæfileika mína á því sviði, desværre!

Men nu orkar jag inte mer, ætla að fara að sofa.

Hafið það gott rúsínurassarnir mínir! Bestu kveðjur, Anna Nettosen

Hov hov, verð nú að skella lagi dagsins inn: http://www.youtube.com/watch?v=buzVBu0bR-w Oh ég er svo væmin... ;)

:)

Ég fór í orðsins fyllstu merkingu að skæla áðan þegar uppáhaldið mitt í danska X-factornum komst áfram í live-showið. Hann er 15 ára og þvílíkur karakter að því er vart hægt að lýsa.

Áfram Basim! (Myndinni var fimlega stolið af http://www.dr.dk/dr1/xfactor/)

MYNDIR!

Jæja er ekki komið að myndabloggi? Jú ég held það nú! Reyndar þarf ég að fara meira en mánuð aftur í tímann með þessar myndir en það verður bara að hafa það.
#

Þann 8. desember fórum ég, Hildur og Linda á djammið.

Linda, ég og Hildur.

#

Þann 13. desember gisti ég hjá Hildi Evu. Daginn eftir ætlaði hún svo að skutla mér á lestarstöðina í Hörsholm, en þá ákváðum við að fara til Hilleröd í staðinn, því þangað hef ég aldrei komið. En þegar þangað var komið ákváðum við að gera þetta bara almennilega og skella okkur í surprise-heimsókn til Lindu í Frederikssund og gefa henni ís. Úr þessu varð hið skemmtilegasta ferðalag.

Hildur Eva að stilla GPS-inn góða.

Græjan komin á sinn stað.

Einbeitt við aksturinn.
Já svona er ástandið í Danmörku í desember, grænt gras svo langt sem augað eygir!

Svo var gerð smá útsýnispása, agalega fallegt þarna!

Hildur Eva að njóta dýrðarinnar.

All natural beauty! Uppáhaldsmyndin mín af okkur stöllunum :)
Já hann Mosi gamli ;) Sem sagt bíllinn hennar Hildar Evu.

#

Og svo var kominn 15. desember. Mér var boðið á litlu jólin í Karlebo (þar sem Hildur á heima) og fékk að bragða á flæskesteg og ris'alamande (ó hjálp, hvernig á eiginlega að skrifa þetta!). Agalega kósí og gaman að smakka danskan jólamat :) Og svo dugði náttúrulega ekkert annað en að gera sig kláran fyrir djammið...

Eigum við eitthvað að ræða þessa pósu?

Allt að verða klárt!Ég heimta módelsamning ekki seinna en núna! Tyra Banks, hvar ertu? Ég veit þú lest þetta...

Já það verður að taka margar myndir til að vera viss um að ekkert sé að klikka!

Hildur mín, held þú sért að misskilja, við ætluðum nú ekki að hræða strákana í burtu sko...Held við séum skárstar svona!

#

17. desember, flogið til Íslandsins góða.

Mikið agalega var ég fersk ;)

#

4. janúar og tími til þess að djamma með elskunum mínum inni á Akureyri! Eftir smá stopp hjá Einari bró og Sigrúnu fór ég til Baldvins. Þaðan var svo haldið áfram heim til Óla, Stymma og Helga Freys, en þeir mynda glæsilega sambúð. Þar var myndavélin á lofti eins og vera ber...

Ég og Óli minn.
Við aftur, og ég held ég sé að missa brjóstin upp úr bolnum...
Útlitstékk - ég skítféll nú á því prófi!

Ég og Baldvin

Stymmi og Helgi, mér sýnist Helgi þurfa að fá sér gleraugu...

Og hverjir skildu þetta vera?

Jújú, Styrmir og Anna!

Svaka sæt að vanda.
Jájá.
Helgi að pósa eins vel og hann getur

Rembdist eins og rjúpan við staurinn að myndast vel!

Jújú, höfuðbúnaður við hæfi svosem...

Stymmi með spjótið hans Óla. Þess má geta að síðar um kvöldið stakk ég mig á þessu spjóti á vinstri úlnliðnum, það hljóp einhver sýking í sárið svo það graftaði glæsilega í tvo daga og er fyrst að hjaðna núna, rúmri viku eftir stunguna... Það á ekki að leika sér með vopn!

Ég, Stymmi og Baldwin.

Og svo bættist Óli í hópinn.

Helgi var of svalur til að vera með í hópmyndasjálfsmyndatökunni...

Óli að pósa og Baldvin að reyna að trufla...
En Óli er ýmsu vanur og dettur ekki úr hlutverki.

Loksins áttu Óli og Pósan sviðsljósið ein.

Þarna voru sumir búnir að fá sér smá áfengissopa... (Þess má geta að Baldvin og Stymmi eru bræður!).

Harðasta gellan í bænum!
Veit ekki alveg hvað var í gangi á þessari mynd...

Baldvin, Stymmi og Eva.
Og svo var að sjálfsögðu slegist.

Baldvin og Helgi að syngja dúett fyrir Styrmi.

Settu meiri innlifun í þetta þegar Stymmi sýndi engin viðbrögð...

Stuð á Kaffi Ak :)

#

Og svo var kominn 6. desember og tími til þess að halda aftur til Danmerkur. Ingi minn kæri fyrrverandi sambýlingur skutlaði mér og Hildi til Kefló, með smá stoppi á Blönduósi svo ég gæti hitt hana Elínu mína! :D

Ég og Elín Ósk, hrikalega ferskar svona í morgunsárið ;)

Hildur Eva og ég í flugvélinni, það voru gerðar margar tilraunir til þess að ná almennilegri mynd af okkur, en sökum ljótu og þreytu á háu stigi var þetta besta myndin...

#

Já þannig var nú það!

Annars er helgin búin að vera agalega næs, fór í brunch með Hildi á föstudaginn og svo fórum við heim til hennar í kósílegheit, bökuðum pitsu og kjöftuðum eins og okkur tveimur er lagið. Ég gisti hjá henni þá um nóttina, og svo er afgangurinn af helginni búinn að fara í algjöra afslöppun, bíóferð og meira kósí. Ó já :)

En nú verð ég að hætta, ætla að færa mig yfir í rúmið og sauma pínulítið út!

Hafið það gott älsklingarnir mínir :) Bestu kveðjur, Anna hin afslappaða.