Annáll 2007

Jæja, nú er árið brátt liðið í aldanna skaut og því komið að hinum árlega annáli, sem verður skammarlega stuttur að þessu sinni vegna atburðarleysis á árinu.

Í janúar 2007 flutti ég til Danmerkur, sem var nokkuð rökrétt framhald eftir búsetu mína í Svíþjóð og í Hollandi, enda var ég komin með alveg nóg af flutningum og farin að huga að varanlegri dvalarstað.

Ég man harla fátt frá fyrstu níu mánuðum ársins, enda var ég í fullri vinnu (fyrstu vikurnar í þvottahúsi og restina í hinni frábæru verslunarkeðju Netto) og þar að auki á all svakalegu hraðdönskunámskeiði sem tók allan minn frítíma og kvöldstundir. Sumarið fór þar af leiðandi algjörlega framhjá mér, og það eina sem ég afrekaði var að fara einu sinni í sólbað úti í garði - með dönskubækurnar á nefinu.

En svo leið loksins að lokum námsins, og viku áður en ég kláraði var skólanum mínum lokað vegna grægði Kaupmannahafnarkommúnu, sem mér er meinilla við alla tíð síðan.

Í byrjun haustsins var ég spottuð á Myspace og kynntist þar með Hildi Evu. Við létum ekki okkar eftir liggja og stunduðum skemmtistaði bæjarins grimmt (eða eiginlega bara einn stað, Lauritz Betjent er og verður okkar staður!) og gerðum allskonar skandala. Einnig var ákveðið að fara í eitt ákveðið missjón, og ekki leið langur tími áður en missjón var completed. Svo gerðum við okkur að sjálfsögðu ýmislegt annað til dundurs, kaffhús, brunch, kynlífssýningar og verslunartúrar urðu daglegt brauð, en svo kom allt í einu jólafrí eins og þruma úr heiðskíru lofti og haldið var heim til Íslands í þriggja vikna afslöppun og átveislu.

Þannig var nú árið 2007, viðburðarlítið með eindæmum vegna annríkis en fínasta ár engu að síður. Stefnir þó allt í frábært ár 2008 (þótt fátt toppi 2006) og er margt á dagskránni sem og í plönun.

Áramótaheit 2008 eru með svipuðu sniði og áður.

1. Borða minna.
2. Hreyfa mig meira.
3. Hætta að eyða pening í óþarfa, samanber haldapoka og bókasafnssektir. Undantekningar eru föt, skór og make-up, bíóferðir, út að borða og djamm.
4. Vera gella (sem sagt fara reglulega í klippingu og litun, hugsa um neglurnar, hugsa um fæturna, hugsa um húðina).
5. Halda strangt heimilsbókhald og læra að skilja að gerfiþarfir (fyrir utan föt, skó og make-up, bíóferðir, út að borða og djamm) frá frumþörfum.

Þar með er það upptalið.

Ég færi öllum lesendum mínum (sá hópur spannar bæði vini, fjölskyldu, kunningja, fólk sem kannast við mig, ókunnuga og svo framvegis) bestu þakkir fyrir samskiptin og lesturinn á árinu sem er að líða og vona að nýja árið færi ykkur hamingju og gleði.

Við hittumst/lesumst heil á nýju ári! Ástarkveðjur, Anna Björk

Útskýring

(Til fastalesenda: Einhver virðist hafa linkað á síðuna mína á B2, greinilega svona agalega fyndin færsla hér fyrir neðan... sem skýrir einmitt þessu skrýtnu komment og lesendafjöldann!!!

Borðið ekki yfir ykkur í kvöld, sjálf er ég farin að stressast, á eftir að fara í sturtu og búa til súkkulaðimús og púsla og ráða krossgátu og jafnvel sauma pínulítið út... Jólakveðjur, Anna hin víðlesna).

Hvernig skipta skal eggi

Það var einn góðan veðurdag í desember 2002, sem hún móðir mín ákvað að baka smákökur. Tók hún fram áhöld og hráefni og gerði sig klára í slaginn, alvön húsmóðirin. En fljótt kom þó upp babb í bátinn, því að í uppskriftina átti að nota hálft egg!

Nú voru góð ráð dýr. Stóðum við þarna fjölskyldan og hneyksluðumst á þessari asnalegu uppskrift, en ég dó þó ekki ráðalaus frekar en fyrri daginn og ákvað að taka það að mér að skipta eggi í tvo helminga. Og hófust þá aðgerðirnar.

Ég náði mér í matardisk og ætlaði að skera eggið í sundur, en komst þó fljótlega að því að eggið hoppaði og skoppaði og vildi ekki vera kyrrt. Þá náði ég í litla tréliti sem við höfðum fengið gefins frá Landsvirkjun eða eitthvað álíka og límdi þá með límbandi niður á diskinn til þess að skorða eggið. Svo markaði ég hvar miðjan á egginu var og var nokkuð klár í slaginn.
Hér má sjá eggið skorðað niður.
--

En svo hófust vandræðin. Hvernig átti ég eiginlega að fara að því að skera akkúrat á miðjuna, því eggið var náttúrulega sleipt og hnífurinn tolldi illa á miðjunni? Auk þess sá ég fram á að eggið myndi fara allt í klessu þegar ég væri búin að skera það, því varla væri ég nógu snögg að skilja hlutana að. Þá tók ég á það ráð að klippa niður söfnunarbauk (æ nú fæ ég samviskubit) og límdi tvær hliðarnar saman með límbandi, svo ég kom hnífnum á milli. Náði ég þar með að skorða hnífinn á egginu, akkúrat á miðjunni, auk þess sem söfnunarbauknum var ætlað að halda eggjahelmingunum aðskildum þegar á hólminn væri komið.

Hér má sjá hnífinn skorðaðan með söfnunarbauknum á egginu.

--

Og svo var skorið. Tók þónokkur átök að komast í gegnum skurnið, en það tókst þó og söfnunarbaukurinn datt niður og skildi eggjahelmingana að.

Hér má sjá eggið í tveimur helmingum og söfnunarbaukurinn gegnir því hlutverki að halda eggjahelmingunum aðskildum.

---

Og svo var bara að fiska annan helminginn upp og vúla, hálfa eggið var klárt!

Annar helmingurinn á disknum og hinn í glasinu, aðgerðin heppnaðist fullkomlega.

--

Það var þá sem heyrðist í mömmu: "Við hefðum svo sem getað tvöfaldað uppskriftina?"

Hafið það gott börnin góð :) Bestu kveðjur, Anna á veggnum

Ég held ég gangi heim, held ég gangi heim

Jæja góðan daginn! Ef einhver veit hver ber ábyrgð á öllu þessu myrkri, þá má sá hinn sami gefa sig fram hið snarasta! Við þurfum að spjalla aðeins saman.

Ég er sem sagt stödd á Íslandinu góða, kom í gærkvöldi. Við Hildur Eva vorum ferðafélagar og gekk ferðin stóráfallalaust fyrir sig. Lentum í hlussuröð á Kastrup, þurfti bara að borga 5 kíló í yfirvigt (var samt með 10 kíló, húrra!), fórum og fengum okkur (ókeypis) pylsu hjá dönskum félaga mínum sem vinnur í Kastrup, misstum ekki af fluginu, fengum vondan flugvélamat, smá ókyrrð í lofti við lendingu en mín alveg pollróleg (enda ekki flughrædd) og flugmaðurinn kunni ekki að lenda mjúklega. Svo tókum við flugvallarútuna og brunuðum til Reykjavíkur, þar sem Doddi frændi Hildar og Lóa konan hans kipptu okkur með norður. Var svo komin hingað klukkan ca. hálftíu í gærkvöldi. Ljúft.

Reyndar má nú segja að þótt ferðin sjálf hafi gengið slétt og fellt fyrir sig, þá tókst okkur Hildi nú samt að gera okkur að smá fíflum í Kastrup. Við vorum búnar í öryggishliðinu og ætluðum að fá okkur litla töskuvagna undir allan handfarangurinn (sem var nú ekki í minna laginu) og hlupum að tveimur fínu fínu vögnum sem við sáum standa á miðju gólfi. Uh já. Það var greinilega ástæða fyrir því að þessir tveir vagnar stóðu þarna aleinir, því þeir voru nefnilega fastir saman og engin leið að ná þeim í sundur! En við Hildur (eða bara Hildur samt) getum verið svolítið of þrjóskar og því var togað og rykkt og hamast á grey vagnadruslunum alveg þangað til við náðum þeim í sundur. Það tók dálítinn tíma, áhorf annarra ferðalanga og svita, en það tókst. Er ekki frá því að ég hafi skammast mín eilítið fyrir aðferðirnar, en maður verður nú að redda sér, ikke?

Og það er svo gott að vera komin heim, þrátt fyrir myrkrið. Hér í húsinu mínu er nefnilega hlýtt og hreint og fullur ísskápur af mat - öfugt við það sem ég á að venjast úti í Danmörku. Svo sat ég og spilaði á píanóið fram á rauða nótt og svei mér, ég kann ennþá alveg helling! Var eitthvað með áhyggjur af þessu...

Íslenska símanúmerið mitt er (00354) 848 6686.

Ég held samt að það muni taka smá tíma að venjast íslenska lífinu aftur (höfum það í huga að ég hef ekki komið hingað síðan um seinustu jól og þar áður hafði ég ekki komið hingað í 7 mánuði). T.d. lenti ég í stórkostlegum vandræðum í gær með að skilja íslensku peningana. Ég er aðeins búin að missa verðskynið - og hvaða djókur er þetta eiginlega með allt þetta klink? Ég fór í sjoppu og (eftir að hafa misst mig yfir verðinu) þá ætlaði ég að borga með klinki sem mér hafði áskotnast yfir daginn. En ég stóð bara og starði og fattaði ekkert hvar ég átti að byrja og hvernig maður ætti að telja þetta svo ég rétti afgreiðsludömunni bara seðil (sem var by the way ógeðslega fyndinn á litinn). Fór svo og taldi klinkið mitt til þess að reyna að átta mig á þessu og taldi og taldi og endaði í 210 krónum. FULLT VESKI!!! Við erum að tala um að þetta eru tveir peningar í Danmörku! Fannst mér þetta nú heldur slappt.

Annar hlutur er að ég kann ekki lengur að biðja um hluti í sjoppum. Ég kann engan veginn við að fara inn í sjoppu og segja "Ég ætla að fá eina pylsu með...". Eruð þið ekki að grínast með ókurteisina? Ég, kurteisi Daninn, er nú meira á því að segja "Ég vildi gjarnan biðja um eina pylsu með...". Ég á aðeins eftir að pæla í þessu og finna einhvern góðan frasa til þess að nota á íslensku. Allar uppástungur eru vel þegnar.

Þannig að já, allt í góðum gír hér á bæ. Seinna ætla ég svo að setja inn myndir úr litla road-trippinu okkar Hildar á Mörkinni góðu þar sem grasið er ennþá grænt og það birtir stundum á daginn.

Hafið það gott ástarpungar,! Adiós, Anna Víkingur.

Hov hov hov!

Fínasta helgi að baki. Var reyndar í vinnunni á föstudag og laugardag, en svo tók gamanið við þegar ég skellti mér beint eftir vinnu á laugardaginn út að borða með Hildi og Lindu. Þaðan var svo haldið beint heim til mín (með smá stoppi á bensínstöð til þess að hlaða búsbirgðir) og við tók djammundibúningur, svona eins og vera ber. Ég er til allrar guðs lukku loksins búin að splæsa í pumpu (og stærri vindsæng sem hylur allt herbergisgólfið) svo ekki þurfti að taka Þingeyinginn á þetta í þetta skiptið (það á nú samt að vera ansi mikið loft í þeim, en sorrí elskurnar, smágerð manneskja - smágerð lungu svo það dæmi var bara ekkert að ganga upp!). Hildur blöndunarmeistari stóð sig vel með Razzinn, nema ekki tókst að hafa stjórn á Lindu sem sá um sína blöndun sjálf og datt svo á bólakaf ofan í Hot'n'Sweet pelann.
#
Ég stóð mig eins og hetja í poppinu og stóð og starði á örbylgjuofninn þær þrjár mínútur sem það tekur poppið að poppast og hreyfði mig ekki hænufet, illa brennd af fyrri reynslu sem kveður á um að maður eigi ekki að skjótast inní herbergi og fá sér meiri drykk þegar eitthvað er í örbylgjunni, því þá geta þrjár mínútur fljótt breyst yfir í átta mínútur. Hóst.
#
Við náðum seinustu lest í bæinn, sumar allnokkuð hressar, og gekk það klakklaust fyrir sig. Hávaðasamt, en klakklaust. Ég rauf að sjálfsögðu ekki hefðina og skaust á bakvið styttu við eina ónefnda byggingu til þess að pissa (best að hafa hana bara ónefnda hér, hver veit nema danskir lögregluþjónar og allskonar fólk séu meðal fastalesenda!) því blaðran heldur ekkert of miklu í einu. Eða jú, en ekki við svona þamb. Svo var að sjálfsögðu skundað beina leið inn á Lauritz, eins og svo oft áður, þar sem tekið var allduglega á því á dansgólfinu. Sumir voru þó búnir að drekka aðeins of mikið (og það var ekki ég í þetta skiptið!) og fannst ekki gaman að lenda í slysum þar sem hælaháum skóm var trampað ofan á stórutær. En ég, með ráð undir rifi hverju, reddaði málum með því að blikka einn gæja og fá hann til þess að lána mér drykkjardunk mikinn sem hann hafði í fórum sínum, fullan af vatni og ísmolum. Gerði mér svo lítið fyrir og tróð löppinni á slösuðu manneskjunni (Hildi) ofan í dunkinn og skeitti engu þótt viðkomandi væri ekki einu sinni kominn úr sokknum.
#
Seint og um síðir (hálffimm) var kominn tími til þess að halda heim á leið. En það er náttúrulega ekki hægt að fara heim án þess að vera búinn að kíkja aðeins í 7-eleven, sem við og gerðum. Þar lentu sumir (ég...) í afar óheppilegum atvikum, já, það var næstum því pínlegra en þegar við Hildur kysstumst á Lauritz um seinustu helgi! Þar var þó ekki um að ræða heita tungukossa, heldur vorum við í sakleysi okkar að dansa flottan dans sem krafðist þess að gogga hausnum fram, og í einu gogginu bara splass! Beint á munninn. Það þótti okkur afar vandræðalegt og hlógum vel og lengi eins og hálfvitar að þeim skandal. En eins og áður segir, þá var þetta næstum því verra. Hér kemur sagan.
#

Við stúlkurnar fórum í 7-eleven til þess að kaupa pitsusneiðar og möffins og annan óþarfa. Ég stóð fyrir framan búðarborðið og horfði græðgislega á kræsingarnar og pældi í því hvað mig langaði til þess að fá mér. Seildist svo ofan í brjóstahaldarann til þess að ná í peninga (sem geymast í púðagatinu því maður getur náttúrulega ekki verið með veski á skemmtistað þegar maður þarf að nota báðar hendur til þess að klípa í rassa) og eitthvað voru peningarnir á erfiðum stað í gatinu og þurfti því mikil tilþrif til þess að ná þeim út. Eitthvað hef ég verið lítið pen við þessar aðfarir mínir, því ekki vildi betur til en svo að mér tókst að draga bæði hálsmálið á bolnum og brjóstahaldarann niður svo við sæta afgreiðslumanninum blasti bert hold. Og mín náttúrulega ekkert að fatta.
#

Afgreiðslugaur (brosandi)- Hej smukke!
Anna (hress í daðurgírnum)- Hej!
Gaur- Hvað segirðu gott?
Anna- Bara fínt! Æh ég veit ekki hvað mig langar í.
Gaur- Þetta var allavega flott innkoma hjá þér ;)
Anna- Ha? Já ég geymi sko alltaf peningana í brjóstahaldaranum (enn ekkert að fatta).
Gaur (skælbrosandi)- Ja, det må man nok sige, já það er nú alveg greinilegt!
Anna (fattar)- Ahhh hahaha, já, híhí. Huhumm. Uhh, já, heyrðu, ég vildi gjarnan biðja um eina svona súkkulaðimöffins.
Gaur (enn skælbrosandi)- Já, gjörðu svo vel. Mér finnst nú samt að þú ættir að renna pínu niður...
Anna (byrjar að renna niður)- Af hverju? (Fattar) Jááá, hehe, en maður sér ekkert hvort sem er, ég er nefnilega í bol líka, híhí.
Gaur- Flott samt ;) En já, þetta verða 15 krónur. Má ég ná í peningana sjálfur?
Anna- Híhí ég er búin að ná í þá sjálf, sorrí ;)
Gaur- Nei þú setur þá bara aftur ofaní :)
Anna- Híhíhí.
Gaur- En þú þarft ekki að borga ef ég fæ koss (setur stút á varirnar).
Anna - Viltu fá koss? ;)
Gaur (ekki jafn brosandi)- Æh ég er með svona trúlofanarhring (sýnir mér gullhringinn).
Anna- Núú, híhí, nú þá færðu bara peningana ;)

#
Þannig fór nú um sjóferð þá með mig og herra Seveneleven!
Og svo var farið heim að sofa.
Hafið það gott börnin góð! Góða nótt, Anna sem dansar í gluggakistum.

Kræst, er maður sætur eða hvað?

Ég sá mömmu kyssa jólasvein

Enn einn mánudagurinn. Og á morgun verður enn einn föstudagurinn. Og á hinn verður enn einn mánudagurinn.

Góð helgi að baki. Það var fíflast, það var djammað, það var sofið, það var farið út að borða, það var horft á dvd og sumir gerðu heiðarlega tilraun til þess að kveikja í húsinu...

Fór svo og borgaði húsleiguna áðan og sagði eigandanum í leiðinni frá raunum mínum með örbylgjupoppið, alveg handviss um að nú yrði mér hent út því allt húsið angar af brunafýlu og ég búin að forðast eigandann eins og heitan eldinn seinustu þrjá dagana til þess að þurfa ekki að útskýra mál mitt fyrr en ég væri búin að finna haldbær rök fyrir því af hverju mér ætti ekki að vera kastað út. "Ha, hvaða lykt ertu að tala um?" hvað þá í kallinum, "ég finn enga!". "HA???" hváði ég. "Finnurðu ENGA???". "Nei, ég hélt að þetta væru bara klóakrörin niðri í kjallara eins og venjulega... hefurðu ekki fundið þá lykt?" sagði kallinn. "Nei, ég hef nú aldrei fundið neina skrítna lykt hérna í húsinu... En jæja, ókei!" sagði ég og yppti öxlum. Sjúkket, slapp fyrir horn...

Þjóðerni mitt er smám saman að breytast úr Svía yfir í Norðmann. Ég veit ekki alveg hvað mér á að finnast um það, en reyni þó að taka því sem jákvæðum hlut því norskan liggur nú ekkert langt frá dönskunni. Ég lenti til dæmis í því í bænum um helgina að vera að tala íslensku og var spurð að því hvort ég væri Norðmaður. Yfirleitt er alltaf giskað á Svíþjóð (þótt mér takist ekki alveg að heyra hvað er líkt með íslensku og sænsku). Lenti svo í því á kassanum í vinnunni í dag að einn fastakúnninn byrjaði að tala frekar furðulega, svona voðalega syngjandi, en þó á dönsku. Ég hélt að kellan væri kannski í svona rosalega góðu skapi og brosti því bara á meðan hún sagði mér skellihlægjandi sögur af einhverju ómerkilegu sem ég man ekki hvað var. Svo þegar ég var búin að brosa og kinka kolli í smástund leit hún á mig og sagði "Bíddu, þú ert norsk er það ekki???". "Uhh nei, ég kem frá Íslandi...". "Ó guð fyrirgefðu, ég er bara búin að pæla og pæla í þessu og var orðin alveg pottþétt á að þú værir norsk! Þetta máttu afsaka, híhíhí". Hahaha :D

En já, allt að gerast hér í Mörkinni og ég stoppa ekki hálfa sekúndu. Á svo eftir öll jólagjafakaup og jólastúss ýmiskonar, er með fjölmarga hittinga af öllum toga á planinu, er alltaf í vinnunni og það styttist óðfluga í að ég fari heim... Jæks, spólum aðeins til baka!

En nú verð ég að drífa mig, ætla að kasta í vél, skunda út í búð, snæða, laga til og fara út að skokka... Hafið það gott rúsínurassarnir mínir! Bestu kveðjur, Anna sem á ekki framtíðina fyrir sér í eldhúsinu

Alveg að koma jól bara!

Júbbs, örstutt blogg.

Ég er öll að hressast, en ég var einmitt veik frá miðvikudeginum í seinustu viku og fram á mánudag. Ógurlega gaman skal ég ykkur segja, og uppáhaldið mitt er náttúrulega þegar ég rauk allt í einu upp í svo miklum hita á fimmtudaginn að ég lá bara í rúminu og komst hvorki lönd né strönd því það var hreinilega að líða yfir mig. Það sem þó bjargaði mér (þurfti svo agalega mikið að pissa nefnilega) var að hann Baldvin minn hafði skilið eftir hálfa kókflösku hérna hjá mér í byrjun mánaðarins og var flaskan atarna ennþá uppi í hillu svo ég taldi upp að fimm, stökk fram úr rúminu og greip í flöskuna, lyppaðist aftur í rúmið og lá svo bara á þambinu. Skömmu síðar gekk ég eins og hreystimenni (eða þannig) fram á klósett og náði að pissa og þamba vatn. Skreið svo aftur upp í rúm og var með hita næstu þrjá dagana. Stuð.

Mætti svo í vinnuna í gær (þriðjudag) og heimtaði að fá að sitja á kassanum (ennþá eilítið tuskuleg), og var merkilegt nokk ansi endurnærð eftir þessa veikindadaga mína. Allavega gat ég ekki annað en brosað útað eyrum þegar ég opnaði kassann og fyrsti fastakúnninn (eldri kona) kom hljópandi til mín og sagði svo hvein í "IHHHH hefurðu smakkað þennan lakkrís!!! Ohohoh, bara fimm krónur! FIMM KRÓNUR!!! IHHH hvað hann er góður, híhíhí. Keypti fullt í gær og ennþá meira í dag! IHHH hann verðurðu að prófa". Haha, sumir kúnnarnir eru bara svo kostulegir, og ekki finnst fastakúnnunum leiðinlegt að spjalla við mig, því ég er nú oft á tíðum ansi skrafhreifin og hika ekki við að biðja kúnnana um uppskriftir og allskonar á milli þess sem ég segi ýkjusögur af Íslandi og brandara hægri-vinstri...

Annars sé ég fram á skemmilega helgi núna um helgina. Jájájá :D

Verð að þjóta, bestu kveðjur, Anna Netto

Why does it always rain on me?

Oh, annar spurningalisti! Fann þennan hjá Hrafnhildi og get náttúrulega ekki sleppt því að svara... verst bara hvað það tekur skratti langan tíma, sérstaklega þar sem maður leggur það nú á sig að þýða listana yfir á íslensku og svona... Tek það aftur fram að þýðingin er nú sennilega ekkert ofurgóð og ég tek mér það bessaleyfi að umorða spurningarnar ef ég skil ekki hvað þær þýða á ensku... (er nefnilega ekkert ofurkvendi í enskum orðaforða skal ég ykkur segja!). Hefst þá lesturinn.

---



1. Hvernig var dagurinn hjá þér?

Æh, frekar strembinn, erfiður vinnudagur... Samt ekkert miðað við föstudaginn þegar ég var 14 tíma í vinnunni, kræst!!!

#

2. Í hvaða bíl varstu seinast?

Svei mér ef það hefur ekki hreinlega verið hann Mosi hennar Hildar Evu?

#

3. Lýstu seinasta kossinum sem þú fékkst:

Forvitinn fær ekki að vita

#

4. Lýstu peysunni sem þú ert í:

Svört flíspeysa, er alltaf að frjósa úr kulda.

#

5. Spurning númer fimm, Hrafnhildur, hvar er eiginlega spurning númer fimm???

#

6. Síðasta mynd sem þú horfðir á:

Öhm, annað hvort The Heartbrek Kid í bíó eða Top Gun í sjónvarpinu, man ekki tímaröðina nákvæmlega.

#

7. Hvað er það seinasta sem þú borðaðir?

Royalbúðingur og hrökkbrauð með gulum brauðosti.

#

8. Hvað er það seinasta sem þú drakkst?

Gott ef það var ekki bara vatn? En fyrir utan það, allskonar óhollustu og áfengi í House-warming hjá Veru og Bjarne í gærkvöldi...

#

9. Hvar svafstu í nótt?

Í rúminum mínu kæra kæra.

#

10. Ertu hamingjusöm akkúrat núna?

Jájá, bara svolítið þreytt og þung í skapi í dag...

#

11. Hver svaf seinast í rúminu þínu fyrir utan þig?

Linda aðfaranótt laugardags. Aðrir fengu að gjöra svo vel að dúsa á vindsænginni minni fyrst þeir gátu ekki pantað gistingu hjá mér í tæka tíð ;) Reyndar reyndist smá mál að finna álitlegt gat á sængurdruslunni svo hægt væri að blása hana upp, svo það var auðvitað hringt í Baldvin heima á Íslandi til að leita ráða, enda drengurinn með próf í að blása þessa vindsæng mína upp... sem betur fer var hann á djamminu en ekki sofandi (klukkan var orðin þrjú á dönskum tíma og tvö á íslenskum) og gat því gefið upp leiðbeiningar í gegnum síma. Ég pant splæsa í pumpu.

#

13. Á hvaða safn fórstu seinast?

Ihh, það man ég ekki... Jú, Eksperimentarium með Ma&Pa og litla bró :)

#

14. Hvernig eru augun í þér á litinn?

Blá

#

15. Hver kom seinast í heimsókn?

Minnir að það hafi verið múgur og margmenni hér á bæ föstudagsnóttina...

#

16. Hvað er það sem heillar þig í fari þess sem þú ert skotin í?

Ég er nú ekki vön því að ræða ástarmál mín á opnum vef... sorrí elskurnar mínar!
#
17. Síðasta gjöfin sem þú fékkst:
Tjah, það er spurning! Jú, fékk köku í vinnunni á föstudaginn því ég var svo góð að taka að mér 6 tíma yfirvinnu (ill nauðsyn, garg)... Tel kökuna reyndar frekar vera bónus heldur en gjöf, en jæja... Tek það einnig fram að ég fæ heilan auka frídag einhvern daginn í skiptum fyrir þessa rosalegu vakt!
#
18. Á hvað ertu að hlusta?
Ekki neitt, en er annars að missa mig yfir þessu lagi hér: http://www.youtube.com/watch?v=UDOAWzBArxk
#
19. Ef þú ættir eina ósk akkúrat núna, hver myndi hún vera?
Ætli það væri ekki að missa aukakílóin... Og þó, þau eru næstum því horfin eftir að hafa verið föst á sínum stað síðan 2003 ;) Þannig að aukakílóin eru loksins eiginlega dottin útaf listanum, svo að næsta ósk á eftir það er eitthvað sem ég ætla ekki að skella hingað inn...
#
20. Hvað er uppáhaldslyktin þín?
Puma Jamaica, nota það alltaf!
#
21. Spurning töttögöogeitt, Hrafnhildur mín, hvar er hún eiginlega?
#
22. Hvað varstu að gera um miðnætti í gær?
Nýkomin heim úr matarboði og var að gera mig klára fyrir svefninn.
#
23. Ertu örvhent?
Niks, labba samt eins og örvhent er mér sagt?
#
24. Hvað er í kvöldmatinn í kvöld?
Ég fékk mér nú bara eins og áður segir Ryoalbúðing og hrökkbrauð...
#
25. Hvað er seinasta áfengið sem þú drakkst?
Vodka í kók í gærkvöldi.
#
26. Hvenær er afmælið þitt?
29. júlí (fædd 1987)
#
27. Hverjum sendirðu seinast sms?
Dönskum kunningja
#
28. Spurningu tuttuguogátta er því miður hvergi að finna... hrpmf.
#
29. Hvar verslaðirðu seinast?
Netto baby, eftir vinnu. Keypti þessar líka dýrindisskálar á spottprís svo ég gæti hrært mér búðing og auðvitað mjólk í búðinginn...
#
30. Hvað finnst þér um hárið á þér akkúrat núna?
Akkúrat núna er það bæði skítugt og í taglinu sem ég var með í vinnunni... Kræst. En annars er það nýlitað og fínt, mætti samt vera aðeins síðara :)
#
31. Áttu einhverja dýra skartgripi?
Hmm, nei, eða jú, kannski úrið mitt sem hún Stína afasystir fékk frá Kísiliðjunni forðum daga en það úr hef ég notað daglega síðan 2003. Veit svo sem ekki alveg hvað úrið kostaði á sínum tíma, en er ég þó búin að eyða einhverju í viðgerðarkostnað, því úrsmiðskallarnir segja að þetta sé of flott og dýrt úr til þess að þeir leyfi mér að kaupa nýtt... Glæsilegt úr sko, og svo er nafnið mitt náttúrulega grafið í það og alles ;)
#
32. AIM eða MSN?
Uh, hvað er AIM? En ég segi MSN ;)
#
33. Hvar býr stærsti hluti fjölskyldunnar þinnar?
Á Norðurlandi
#
34. Ertu einkabarn eða áttu systkini?
Ég á þrjá bræður, Einar (1985), Kristinn (1991) og Friðrik (1999).
#
35. Ertu dekruð?
Tjah, veit það nú ekki alveg, en ég kann allaveg að haga mér eins og prinsessa ;)
#
36. Hvað var það fyrsta sem þú hugsaðir þegar þú vaknaðir í morgun?
Bídddu, af hverju hrökk ég upp þótt vekjaraklukkan hringi ekki fyrr en eftir tvær mínútur...?
#
37. Drekkurðu bjór?
Nei helst ekki, nema þegar ég þykist vera kúl... jakk.
#
38. Myspace eða Facebook?
Æi, hvað er eiginlega þetta Facebook, er eitthvað vit í því? En ég á allavega myspace: http://www.myspace.com/annaharaldsdottir
#
39. Áttu T-Mobile?
Hvað í ósköpunum er það?
#
40. Hvað er/var uppáhaldsfagið þitt í skóla? Danska og bókfærsla.
#
41. Hvernig týpu af karlmönnum/kvenmönnum fellurðu yfirleitt fyrir?
Ég fell nú yfirleitt meira fyrir karlmönnunum, en þeir þurfa nottla að vera sætir, flott vaxnir og með flotta rödd...
#
42. Ertu með einhverja dulda hæfileika?
Já, seg þú mér?
#
43. Hefurðu farið í brúðkaup?
Nei, væri samt alveg til í að prófa :)
#
44. Áttu börn?
Jájá, alveg fjögur stykki eða svo! Nei djók, ég á engin börn, bara kóngulær :(
#
45. Fékkstu þér blund í dag?
Nei, tek yfirleitt ekki blund á daginn því þá get ég ekki sofnað á kvöldin...
#
46. Hvað er það versta við MySpace?
Að ég skuli eiga svona fáa vini þar, ha ha.
#
47. Langar þig til þess að verða fræg?
Nei, langar bara í peningana :)
#
48. Ertu að gera marga hluti í einu akkúrat núna?
Nei, er bara að blogga og hugsa um að halda augunum opnum, er doltið þreytt sko.
#
49. Gætir þú höndlað það að vera í hernum?
Nei kræst, get varla gert armbeygju!
#
50. Því miður er engin spurning númer fimmtíu...
#
51. Trúir þú á karma?
Ég veit nú eiginlega ekki hvað það er... en ég trúi á álfa ;)
#
52. Hefurðu komið til Las Vegas?
Nei og hef heldur engan áhuga á því, hef annað og betra við mína peninga að gera.
#
53. Hvað ertu búin/n að gera í dag?
Vaknaði klukkan 07:48, tók mig til, fór í vinnuna, vann frá 10-17:15, kom heim, settist fyrir framan tölvuna, borðaði, settist aftur fyrir framan tölvuna og sit þar enn... Ætla svo að fara í háttinn á slaginu 22 því ég þarf að mæta í vinnuna klukkan 7 í fyrramálið.
#
54. Finnst þér gaman að tala stanslaust?
Ég tek nú alveg mín köst sko :) En finnst líka voða gott að sitja bara og þegja.
#
55. Hefurðu komið til New York?
Nei takk.
#
56. Engin spurning.
#
57. Heldur engin spurning.
#
58. Áttu þér þína uppáhaldsteiknimyndapersónu?
Pálína Pálína fremst á meðal jafningja, Pálína já hún er alveg einstööök!!!
#
59. Hvað var það seinasta sem þú eldaðir?
Ég elda ekki, fyrir utan Royalbúðing og tilbúnar fiskibollur úr Netto... En ég bakaði hins vegar Sjónvarpssköku með Hildi Evu um daginn, mikið rohosalega var hún góð!
#
60. Það er því miður engin spurning númer sextíu, skæl :'(
#
61. Hvenær varstu seinast veik/ur?
Látum okkur nú sjá, fékk heiftarlega flensu rétt fyrir samræmduprófin í 10. bekk árið 2003, fékk svo smá flenskuskít árið 2005 þegar ég hélt að þolið væri dottið niður og fór af fúsum og frjálsum vilja í kirkjutröppuhlaup í kulda... og varð veik, því í ljós kom að það var víst ekki þolið sem gerði það að verkum að ég var búin að vera þreytt og sljó undanfarna daga, heldur var það byrjunin á flensunni, vúps :/ Og ég hef ekki orðið veik síðan þá, fyrir utan smá kvef annað slagið.
#
62. Heldurðu að einhver annar muni svara þessum spurningum?
Kannski, það er öllum frjálst að stela þessari glæsilegu þýðingu minni ;)
#
63. Hvað hefur ást með það að gera? (What's love got to do with it?)
Alveg slatta sko.

En nú verð ég að fara að sofa, klára þennan lista seinna! Góða nótt, bestu kveðjur, Anna hin þreytta.

Skýrsla

Ákvað að stela þessum spurningalista af síðunni hennar Elínar og skella honum hingað. Er samt alveg að fara að sofa, þarf að vakna snemma til þess að mæta í brunch í fyrramálið og svo fara í klippingu og litun og svo í föndurbúð og svo kannski á kaffihús og svo heim að laga til og þvo þvott og sauma út. Og já, ég ætla að taka mér það bessaleyfi að snara þessum lista yfir á íslensku, en ég ábyrgist ekki að þýðingin verði perfekt...
---
1. Hvað er klukkan?
23:31
#
2. Hvað er fullt nafn þitt?
Anna Björk Haraldsdóttir
#
3. Hvað ertu hræddastur/hræddust við?
Í augnablikinu kóngulær... ég bankaði einmitt núna fyrr í kvöld uppá hjá manninum sem býr í herberginu við hliðina á mér til þess að fá hann til þess að stúta nokkrum skrímslum fyrir mig...
#
4. Fæðingarstaður?
Húsavík
#
5. Uppáhaldsmatur?
Ó svo margt! Maturinn hennar mömmu trónir nottla á toppnum (steiktar kjötfarsbollubollur í brúnni sósu og með kartöflustöppu, sleeef) og á eftir því kemur allskonar matur. Er ekki jafn matvönd og ég var hér á árum áður...
#
6. Hvernig er hárið á þér á litinn núna?
Ekki neitt sérstaklega fallegt sko... nánar tiltekið úr-sér-gengið-brúnt með músagrárri rót... En er að fara í litun á morgun og þá verður það dökkbrúnt :)
#
7. Hefurðu ferðast?
Já, en ekki neitt voðalega mikið. Er nefnilega ekki neitt rosalega mikill ferðalangur og leiðist almenningssamgöngur og svefnpokar... En ég ferðaðist nú eitthvað um Ísland með familíunni þegar ég var lítil. Svo bjó ég náttúrulega í Svíþjóð eitt sumar og ferðaðist eitthvað um vesturströndina. Og svo bjó ég í Hollandi. Og svo bý ég núna í Danmörku og hef ekkert ferðast um landið, nema bara árið 2003 í skólaferðalagi þegar Jótland var skoðað... Jú, og svo hef ég líka komið til Noregs, nánar tiltekið til Óslóar :) Og nú nenni ég ekki að ferðast meir, nema kannski pínu um Danmörku næsta sumar, en við sjáum bara til.
#
8. Krumparðu eða brýturðu klósettpappírinn saman?
Iss, nota bara vinstri höndina... DJÓK!!!
#
9. Hefurðu elskað einhvern svo mikið að þú hefur grátið?
Hvurslags eiginlega persónunjósnir eru þetta alltaf hreint.
#
10. Hefurðu lent í bílsslysi?
Látum okkur nú sjá, lenti árekstri þegar ég var svona 8 ára og svo klessti ég einu sinni á bensíndælu þegar ég var 16 ára í æfingarakstri...
#
11. BMW eða Mercedes Benz?
Má ég segja Toyota Corolla, árgerð 1985? ;) Oh ég sakna Láruss (Lárusar?) míns :(
#
12. Uppáhaldsdagur vikunnar?
Allir frídagarnir mínir og miðvikudagar því ég er alltaf í fríi á fimmtudögum, svo eftir vinnu á miðvikudögum er ég komin í svona auka helgarfrí :)
#
13. Uppáhaldsveitingastaðurinn?
Humm... Jensen's Böfhouse skorar hátt sko ;) Kjúklingaborgari, ohohoh! Já, það þarf lítið til þess að gleðja mig...
#
14. Uppáhaldsblóm?
Bara öll blóm sem maður fær frá öðrum :) Nema einhver pottablóm, ég drep þau bara :S
#
15. Uppáhaldsíþrótt að horfa á?
Handbolti og stangastökk og taekwondo
#
16. Uppáhaldsdrykkur?
Vatn, appelsínusafi og stundum mjólk.
#
17. Uppáhaldsís?
Æh, ég borða eiginlega ekki ís sko... Nema heima hjá Hildi Evu, ohohoh, ís með marssósu og vínberjum! Hvenær ætlarðu að bjóða mér í mat sæta ;)
#
18. Disney eða Warner Brothers?
Veit ekki, nema að ég horfi nottla á Disney Channels á hverjum degi, leiknu gelgjuþættirnir eru bara fyndnir ;)
#
19. Uppáhaldsskyndibitastaður?
Í augnablikinu er það Sunset Boulevard, Hildur og Linda, þið voruð vondar að koma mér upp á lagið með þann fjanda! Urrg.
#
20. Hvaða litur er á gólfteppinu í svefnherberginu þínu?
Æh, þetta er nú bara einhver ljótur brúnn dúkur sko...
#
21. Hversu oft féllstu í bílprófinu?
Aldrei baby! Gott að hafa svona prófdómara sem segja mannií svörin í skriflega og nenna ekki að tékka hvað maður kann í því verklega "því maður er náttúrulega úr sveit og sonna..." ;)
#
22. Frá hverjum fékkstu seinast e-mail?
Frá henni Venlu minni í Finnlandi :)
#
23. Hvað gerirðu oftast þegar þér leiðist?
Leiðist? Bíddu, gerist það einhvern tímann? Hugshugs, nei! Væri samt alveg til í að hafa stundum smá tíma til þess að láta mér leiðist sko :)
#
24. Háttatími?
Yfirleitt í kringum ellefu, nema núna því mér finnst svo gaman að svara spurningalistum :P
#
25. Hvað skiptir þig mestu máli?
Náttúrulega að fjölskyldan og vinirnir séu öll við góða heilsu og líði vel.
#
26. Uppáhaldssjónvarpsþáttur?
Gilmore Girls, Footballer's Wives, Lost og svo fullt af þáttum sem sýndir eru í Danmörku.
#
27. Fara á stefnumót með karlmanni eða konu?
Huh, KARLMANNI!! Sé nú ekkert vit í því að deita konur.
#
28. Hávaxin/n eða lágvaxin/n?
Alveg saman, bara að hann sé aðeins hærri en ég þegar ég er á hælum :)
#
29. Uppáhaldslitur?
Ó svo margir! Bleikur, vínrauður, grænn, blár, brúnn, hvítur, beige...
#
30. Hvað áttu mörg gæludýr?
Ég á einn Skúla á bakinu heima á Íslandi (hann er gullfiskur sem syndir á hvolfi greyið).
#
31. Aldur: Ertu eldri eða yngri en 29 ára?
Töluvert yngri sem betur fer ;)
#
32. Hvað ætlarðu að gera áður en þú deyrð?
Allt sem mig langar til þess að gera, veit ekki alveg hvað það er samt.
#
33. Hvert er stjörnumerkið þitt?
Ljón, *wrar*!
#

Nei uss, nú er klukkan 00:18, verð að drífa mig í háttinn...
Góða nótt lömbin mín! Bestu kveðjur, Anna hin danska

Herregud

Ég verð alltaf jafn hissa þegar ég kíki hingað inn og sé að það er engin ný færsla! Humm, skil ekkert í þessu.
---

Það er byrjað að kólna allverulega í veðri hér í Mörkinni. Var á leiðinni heim af kvöldvakt núna í vikunni og ætlaði að vera aldeilis og ganga langleiðina heim, eða ca. 40 mínútur. Ég var ekki búin að ganga í nema fimm mínútur þegar hann skall á með slagviðri, sem sagt hagli/rigningu og roki. En ég lét það nú ekkert á mig fá og strunsaði heim í opnum sandölum og regnhlífarlaus (þó í snjóbuxunum hennar Elínar). Jájá, maður er alltaf á slankekúr!
---

Var rétt í þessu að lenda í einu pirrandi. Ég heyrði að dyrabjöllunni hér á bæ var hringt og ákvað að svara, því ég vissi að kallinn á efri hæðinni væri ekki heima. Ég stökk sem sagt út á tröppur íklædd náttbuxur og náttslopp með málningarrestir niður á bringu og bað til Guðs að þetta væri ekki sætur gaur. "Heppnin" var með mér í þetta skiptið, því þetta var ekki sætur gaur, heldur ljótur maður. Með söfnunarbauk. Ég skildi nú reyndar ekki fyrir hverju hann var að safna enda danskan hjá skarfinum ekki upp á tíu fiska en þetta var víst einhver landssöfnun. Ég afþakkað pent og ætlaði að loka á kallinn. Þá spurði hann glottandi hvað það byggju margir hérna í húsinu. "Uhh", sagði ég, "þú færð því miður enga peninga hér...". Þá benti hann á dyrabjöllurnar fimm sem eru utan á húsinu. Ég sagði að það kæmi honum barasta ekkert við af hverju það væru fimm dyrabjöllur á húsinu og hér fengi hann enga peninga og gerði mig líklega til þess að skella á nefið á honum. Þá bauð hann mér gíróseðil. Ég sagði nei og bless og skellti í lás. Kræst...
---

En já. Baldvin kom í heimsókn í byrjun mánaðarins :) Gerðum við okkur margt til dundurs á milli þess sem ég var í vinnunni, en við fórum m.a. á djammið, út að borða, í Kristjaníu, á Strikið og allskonar dundur. Nokkrar myndir:

Baldvin að blása upp vindsængina, því ég tímdi ekki að kaupa pumpu... hehe vúps!

En hann var nú ekki lengi að þessu drengurinn!

Hildur nokkuð spennt við búsborðið góða
Við Baldvin í góðum gír

Og svo þurfti að græja sig

Jæja krakkar, erum klár? Hikk!

Jább, allir klárir!

---

Og svo fór Baldvin :( og Hrafnhildur kom í heimsókn :) Var það rosa gaman. Við fórum m.a. á Strikið og hittum Hildi og Lindu og fórum við Hrafnhildur svo á djammeríið seinna um kvöldið... já, á fimmtudagskvöldi! Fórum á stað þar sem áfengið kostar tíkall á fimmtudögum og tókst okkur samt sem áður að eyða þónokkrum hundraðköllum á barnum... vúps... Og svo þurfti maður nottla að fara að pissa, svona eins og gengur og gerist. Það var þá sem ég uppgötvaði mér til mikillar skelfingar að klósettpappírinn á staðnum var að verða búinn, og þar sem ég sá fram á nokkrar klósettferðir í viðbót ákváðum við Hrafnhildur að stela öllum klósettpappírnum sem var eftir! Svo Hrafnhildur var sett í það að rúlla af klósettrúllunni, og það var óvart aðeins meira eftir en við héldum, en við létum það ekki á okkur fá heldur tróðum bara pappírnum ofan í brjóstaskorur og í vasa og á aðra staði sem við skulum ekki nefna hér... Og svo var skundað á dansgólfið sem var nú reyndar alveg galtómt (enda fimmtudagur og sonna, og klukkan orðin ansi margt...) og þar létum við ekki okkar eftir liggja í dansinum og tókum þetta með stæl. Jájá, eróbikksporin voru klárlega að gera sig ;) Nokkrar myndir:

Við á Strikinu að máta hatta

Alltaf stuð á djamminu...

Hrafnhildi fannst þetta ekki leiðinlegt

Ég og ehh, Klaus?

---

Jæja, í gær fór ég svo með Hildi og Lindu á au-pair hitting. Farið var út að borða og svoleiðis, en þegar þýsku stelpurnar heimtuðu að fara á karíókíbar ákvað ég að láta mig hverfa á braut... Planið var svo að taka á því um kvöldið með hópnum, en ég var ennþá hálfsloj eftir fimmtudagsdjammið svo ég ákvað að slaufa öllu slíku og fara frekar bara að sofa. Verð líka aðeins að fara að hægja á mér, kræst. Nokkrar myndir:

Allir hættir að borða með fulla diska, því maturinn var nú ekkert spes. Mín fór þó ekki svöng heim, því ég fann þetta líka dýrindisbrauð sem ég hakkaði í mig ;)

Linda skvís
Hildur Eva og hin danska Marie

---

Þannig að þið sjáið að það er margt að gerast og margt í gangi hér í Köben. En nú verð ég að drífa mig, þarf að laga til, fara út að ganga, kaupa eitthvað í galtóma ísskápinn minn, sauma út og brasa margskonar. Já og þvo ca. fjórar þvottavélar.

---

Hilsen älsklingarnir mínir! Bestu kveðjur, Anna hin upptekna

Barararabamm

Í fréttum er þetta helst:

# Síðustjóri er loksins búinn að uppfæra "á döfinni" hér til hliðar, svo æstir lesendur geti fylgst með helstu stórviðburðum.
# Ný skoðanakönnun hefurlitið dagsins ljós. Hún átti reyndar að vera aðeins nákvæmari, þ.e. það vantar möguleikana "borða ekki hrökkbrauð" og "borða ekki kotasælu", en það var einhver svo snöggur að svara á þessum tveimur mínútum sem liðu frá fyrstu birtingu könnunarinnar og þar til síðustjóri ætlaði að laga svarmöguleikana að það er ekki hægt að breyta þessu... Og þessi snöggi hefur meira að segja aldrei prófað hrökkbrauð með kotasælu! En sú ósvífni ;) En sem sagt, ef þið hvorki borðið hrökkbrauð né kotasælu, þið hakið þá bara í "hef aldrei prófað kotasælu ofan á hrökkbrauð" ;) Svarið vinsamlegast núna og haldið svo áfram að lesa á eftir...

Velkomin aftur :)

Fleiri fréttir:
# Baldvin er akkúrat í þessum orðum á leiðinni til mín, eða eins og hann orðaði sjálfur: "Deutschland, jawohl, bitte! :P Einversstadar milli Bremen og Osnabrüch á leid til Hamborgar og thadan til Köben...". Mínútu síðar sendi hann svo þetta: "[...]thú tarft líklega ad koma inn i lest ad ná i mig thvi ég verd sennilega löngu sofnadur og á eftir ad vakna i Noregi einhversstadar [...] ".
# Jólabruggið kemur á barina á morgun stundvíslega klukkan 20:59, ef ég man rétt. Þykir það mikil hátíð hér í landi, ætli maður reyni ekki að hrífast með síðar um kvöldið...
# Búið er að panta flugmiða heim, við Hildur gella ætlum að vera flottar á því og taka Saga business Class á þetta... Eða kannski ekki alveg, en við eigum allavega bókaða miða með Icelandair ;) Lúxus alveg hreint. Og ekki verra að hafa ferðafélaga báðar leiðir ;)

Ekki fleiri fréttir, verð að fara í búð, skella í vél (svona fyrst hún virkar) og laga til... Munið eftir könnuninni ástarpungarnir mínir!
Hilsen, Anna sem er upptekin

Kexrugluð

Hvurslags eiginlega dónaskapur er það að gleyma að segja manni frá tímabreytingunni??? En klukkan varð sem sagt tvisvar sinnum tvö í nótt.

Svona eftir á að líta útskýrir þetta nóttina þó aðeins betur. Tók nefnilega næturbúss heim úr bænum klukkan hálf tvö og var samt komin heim klukkan tvö, þrátt fyrir hálftíma rútuferð, smá extra labb því mér tókst að fara út á vitlausri stöð og svo hálftíma labb heim. Fannst klukkan svo bara vera alls ekki margt þegar ég kom heim (leit nefnilega á vekjaraklukkuna sem var sjálfkrafa búin að endurstilla sig) og glápti á imbann til klukkan þrjú... En fannst ég einmitt vera orðin óvenjulega þreytt á þeim tímapunkti og orkaði varla að kasta fötunum mínum úr rúminu á gólfið áður en ég lagðist niður og steinsofnaði... óvenjulegt miðað við að klukkan var jú bara þrjú. Vaknaði svo klukkan hálf tólf og fannst klukkan ekki vera neitt neitt og kúrði heillengi undir hlýrri sænginni áður en ég sveiflaði mér á fætur. Var einmitt þá búin að pæla í þessu með hvenær ég hefði eiginlega farið heim kvöldið áður, því þetta var eitthvað furðulegt (kveikti þó engan veginn á perunni, hélt að þessir tveir drykkir hefðu kannski bara farið svona svakalega með mig...).

Sat svo fyrir framan tölvuna í góðum gír, og rakst svo fyrir tilviljun á bloggsíðu á netinu þar sem verið var að tala um tímabreytinguna. Sjitt. Ég þarf eitthvað aðeins að endurskipuleggja daginn...

En já, hún Hildur mín kæra var að hringja í mig akkúrat í þessu til þess að kjafta og sagðist m.a. vera að fara að baka svo ég bauð mér í heimsókn til hennar... Ætla að drífa mig af stað, enda smá spölur á áfangastað. Tjá! Hilsen, Anna sem veit ekki hvað klukkan er.

Oh my darling

Já uss, hver haldið þið að sé að standa sig eins og hetja í blogginu!

Hið nýja líf mitt stórkostlegt. Ég reyndar vinn aðeins of mikið (er formlega í meira en 100% vinnu þessa stundina, yfirvinnukaup jess jess!) en það er nú ansi nauðsynlegt þegar maður er að safna peningum. Þar sem plön mín segja að ég ætli í háskóla næsta haust (allar uppástungur um hvað ég að læra eru vel þegnar í kommentum, takk) þá er ég í augnablikinu að spara fyrir óhugnalega mörgum hlutum. Ég er m.a. að safna mér fyrir nýrri fartölvu, nýjum gemsa, i-pod, flugferð heim um jólin, fleiri stígvélum, nýjum snjóbuxum (Elín, ég nota ennþá þínar...), heillri búslóð (er númer 2438 á biðlista eftir kollegíi, og vantar allt í búslóð nema þvottagrind, kaffivél og buxnaherðatré), jólagjöfum, klippingu og litun, tryggingagjaldi fyrir kolleggíið, og svo þarf ég að eiga sjóð til þess að geta haldið mér uppi frá ca. október-janúar eftir ár (þarf samt aðeins að pæla í þessu með SU og LÍN) og svo má ekki gleyma öllu snyrtidraslinu sem mig langar í og sumarfötum næsta sumar... Kræst.

En fyrir utan mikla vinnu er allt gott og blessað. Kaffihúsahittingur á morgun, ýmsir hittingar um helgina (þríbókaði óvart hjá mér laugarskvöldið, æjæj) og svo kemur svoleiðis strollan af gestum hingað til mín í byrjun nóvember! Eða er það ekki rétt að þar sem tveir koma í heimsókn þar er strolla? Allavega heyrist mér á öllu að Baldvin sé á leiðinni hingað í blábyrjun nóvember, og svo kemur hún Hrafnhildur skvís hingað skömmu eftir það. Það er nottla bannað að fara til Köben án þess að hitta mig!!! Ég býð m.a. upp á kaffi úr kaffivélinni minni (sem er ennþá í kassanum því ég drekk óvart ekki kaffi, en þessi kaffivél var bara á svo assgoti góðu tilboði) og gædaðan túr um Kristjaníu...

Og svo er planið að finna sér þvottahús einhversstaðar, þar sem þvottavélin hér á bæ gaf óvart upp öndina (ekki mér að kenna, ég sver!) og ég er hér um bil orðin nærfatalaus með öllu... Fer bráðum að tvínýta! Nei djók, lít frekar á þetta sem tækifæri til þess að endurnýja fataskápinn með góðri samvisku ;)

En nú verð ég að fara að sofa, margt í gangi framundan :)
Goede nacht, dag! (Já, pínu hollenska fyrir svefninnn...). Groeten, Anna van Denemarken

Jamm-jamm

Ég dreg seinustu færslu til baka. Gærkvöldið var gargandi snilld!

O jújú, allt stefndi í arfaslakt laugardagskveld þarna í gær, en það breyttist snarlega þegar mér tókst á seinustu stundu að redda mér númerinu hjá Lindu og dró hana með mér á djammið. Þar var ákaflega mikið stuð og ákaflega mikið drukkið... Við gerðum líka allnokkuð margar tilraunir til þess að dansa, en gáfumst yfirleitt fljótt upp því gaurarnir létu okkur ekki í friði! Þeir gjörsamlega snérust í kringum okkur eins og mý á mykjuskán (yfirleitt ekki slæmt, en uhh, segi ekki meir...) og því þurftum við alltaf að fara á barinn til þess að fá okkur meira að drekka til þess að losna við gæjana.

En svo hittum við skemmtilega gæja líka sem fannst við svaka sætar og ég kom þeim upp á bragðið með Razz í Sprite (á la Hildur Eva) og þeir jósu/usu (ausa í þátíð?) í okkur drykkjunum, sem var ágætt því við vorum fyrir löngu búnar með peningana okkar...

En ég er samt búin að fatta eitt! Rauðir hælaskór eru greinilega að gera sig! A.m.k. hefur síminn afar mikla tilhneigingu til þess að fyllast af allskonar símanúmerum eftir djamm á rauðum skóm... Gerist aldrei á gráu hælunum mínum eða stígvélunum, humm... En já, rauðir skór eru málið. Eftirfarandi samtal átti sér m.a. stað (á dönsku) í gær:

Gaur: Hæ, ég sá þig á dansgólfinu áðan, vá, strákarnir gjörsamlega snúast í kringum þig!
Anna: Ja, heddna, ég veitiggi alleg kað er málið eilla!
Gaur: Ekki???
Anna: Nei, e skiledd'ki.
Gaur: Líttu í spegil!

En nú verð ég að fara og laga til. Hilsen, Anna sem er absolút ekki að safna ryki viljandi...

Og svo frystir hér í Köben, brrr

Í tilefni þess að plön kvöldsins fóru útum þúfur og ég sé fram á stórskemmtilegt laugardagskvöld ein heima með gutl í hönd og Britney Spears á fóninum þá ætla ég að skella einni eldsnöggri færslu á ykkur.

Áðan fór ég út í Netto (ekki þar sem ég vinn samt) og sótti björg í bú. Á leiðinni heim ákvað ég að rölta í matvöruverslunina (sem er talsvert mikið dýrari en Netto og kallast Irma, ef einhver skyldi kannast við það) hinum megin við götuna og athuga hvort ég sæi ekki sæta stráka og svoleiðis. Fyrir þá sem ekki vita er Irma búð sem gefur sig út fyrir að vera með mikið af lífrænt ræktuðum vörum. Engir voru gaurarnir í þeirri verslun en ég ákvað að grípa með mér girnilegri papriku fyrst ég var þarna á annað borð. Ég borgaði dýrindin og gekk svo aðeins til hliðar og hagræddi seðlunum í bungandi peningaveskinu (nei þetta var reyndar lygi, mitt peningaveski er sko andstæðan við bungandi, uh, óbungandi, innhverft?) og varð vitni að eftirfarandi samtali hjá næsta kúnna og afgreiðsludömunni:

Kúnni: Já, og svo ætla ég að fá tvo ökologiska (lífrænt ræktaða).
Afgr.dama (starir á kúnnan og lítur svo í kringum sig): Uhhh...
Kúnni: Já, tvo ökoligiska!
Afgr.dama: Uhhh...
Kúnni: Já tvo Cecil cígarettupakka, þeir hljóta að vera ökologiskir líka, er það ekki, HAHAHAHAHA!!!
Afrg.dama (með þreytt gervibros): Uhh já ábyggilega, eh eh eh....

Ég glotti og kom mér út. Skyldi afgreiðsludömuna einum of vel og hló því þetta var ekki ég. Hlakka til að koma mér í háskóla, djísús kræst...

En Britney bíður ekki endalaust, verð að þjóta!
Eigið gott laugardagskvöld ástarpungarnir mínir! Bestu kveðjur, Anna sem kann ekki lengur ensku og tilkynnti einum enskumælandi kúnna hátt og snjallt í dag að það væri ekki korti kúnnans að kenna að kortinu var hafnað, heldur var bara smá svona "systemfæl"...

So much to do - so little time!

Dísús, ég botna hreinlega ekkert í þessu reikningsdæmi! Hvernig getur það eiginlega staðist að eftir að skólanum mínum kæra var lokað og ég fékk loksins allan heimsins frítíma eftir vinnu dag hvern, að ég sé uppteknari en nokkru sinni fyrr!?!

Ófattanlegt hreint út sagt. Og þó, því nú þarf ég nefnilega að vinna upp níu mánaða slugs í að raða mikilvægum pappírum, þrífa eldhússkápa, laga til í fataskápnum, hreinsa til á korktöflunni minni, fara í gegnum gamlar kvittanir, hreyfa mig, senda að minnsta kosti þúsund og eitt e-mail, gera við föt, reyna að komast til botns í þvottakörfunni (í öllum mögulegum skilningi!), hugsa um útlitið, gera fjármálaplön, fara í bankann, fara í passamyndatöku, gera dauðleit að almennilegu kóngulóaeitri, rækta félagslegu hliðina, djamma, fara á msn, laga til í tölvunni minni, setja saman saumvélina mína, fara í gegnum myndir, elda mat, fara með föt í Rauða krossinn, tala í símann, fara að huga að jólagjöfum, kaupa skvísuföt á sjálfa mig, rifja upp allt dönskunámsefnið mitt, lesa frægar danskar bókmenntir, kynna mér konungsfjölskylduna, laga til, laga til, laga til og kaupa fleiri herðatré...

Og nú verð ég að hendast niður í kjallara og taka fötin mín úr þvottavélinni, græja útlitið pínulítið og fara svo að sofa, er frekar þreytt eftir kvöld-hlaupatúrinn minn sem fór á þá leið að ég villtist hérna í næstu götu...

Skrifa. aftur. seinna. Ef. ég. orka. Goodnight! Hilsen, Anna sem er á slankekúr og fegrunarkúr margskonar


P.S. Ég þakka kærlega fyrir öll kommentin upp á síðkastið þrátt fyrir afar fáar færslur, þið eruð æði :)

Loksins myndir

Jæja, ég held ég skuldi ykkur smá myndafærslu! Það verður reyndar að segjast eins og er að ég er ekki neitt óskaplega dugleg við að taka myndir, en hér kemur smá svona samtíningur handa ykkur.
---
Þessi mynd er frá því 21. september þegar verið var að undirbúa sig fyrir djamm. Hér gefur á að líta Hildi Evu, blöndunarmeistara með meiruMín að prófa styrkleikannÞurfti líka að prófa Hildar drukkAðeins búnar að punta okkur - og Hildur bytta með drykk í hönd, skömmin atarna. Razz i Sprite bregst ekki ;)
Ég átti nú líka að vera á þessari mynd sko, feilaði pínu... samt flott mynd, vissi nefnilega ekki að ég væri svona loðin á upphandleggjunum :o)
Eins gott að við vorum búnar að æfa þennan svip vel og vandlega, hefðuð bara átt að sjá fyrstu tilraun... tók sko langan tíma að ná svona góðri mynd! ;)

Við vorum svo þvílíkt að fara að hözzla... geggjaðir hösl-svipir sko! Nei í alvöru talað, Hildur, við verðum eitthvað að reyna aðeins að fínpússa þetta hjá okkur, ekkert skrítið þótt drengstaularnir hafi hlaupið svona hratt í burtu :S Og brosa svo!

Hildur að spjalla við sæta gaura - mér sýnist ég líka aðeins þurfa að laga til á skrifborðinu mínu...

---

Núnú, svo komu mamma, pabbi og Friðrik litli bró í heimsókn eina helgina. Var það heljarinnar stuð, en eitthvað var ég löt með myndavélina... hérna kemur afraksturinn:

Pabbi og mamma í metrónum
Friðrik hinn tannlausi og ég í metrónum, ásamt pabba í bakgrunni.

---

Og svo fór ég náttúrulega í mótmælagöngu að mótmæla lokun skólans míns. Ekki var ég dugleg með myndavélina í því strunsi, því ég var svo upptekin við það að garga mig hása...

Fólk að gera sig klárt fyrir framan (fyrrverandi) skólann minn
Fólk var búið að dunda sér við það að gera mótmælaspjöld
Þarna var öll strollan komin niður á Ráðhústorgið (eftir að hafa gengið frá Nörrebrogade í fylgd lögreglumanna á mótorhjólum, við gengum nefnilega eftir umferðargötunni). Gleymdi samt að taka mynd af öllum hópnum, við vorum svona 200-300.
Ahh, good old times! Ég, Said sem ég kynntist á þrepi átta, Anna sem ég kynntist á þrepi tvö, Faroogh sem ég kynntist á þrepi átta og mín kæra kæra Vera sem ég er búin að vera með í bekk síðan á þrepi tvö, sem sagt síðan í febrúar :)
---

Og svo eitt kvöldið skömmu fyrir miðnætti fór ég inn á bað til þess að bursta tennur, svona eins og vera ber. Þá sá ég allt í einu þá langstærstu og viðbjóðslegustu kónguló sem ég hef augum mínum litið skríða eftir gólfinu! Ég hélt fyrst að þetta væri laufblað, en svo var nú aldeilis ekki. Hjartað missti úr ansi mörg slög og ég hoppaði eins hratt og ég gat fram á gang. Þar stóð ég og skalf og nötraði í nokkrar mínútur og reyndi að hugsa upp góðar aðferðir til þess að stúta ógeðinu. Þrátt fyrir að vera orðin ansi sjóuð í kónuglóadrápum, þá ákvað ég að sum vandamál hefði ég einfaldlega engan áhuga á að leysa og bankaði því upp á hjá Dananum sem leigir herbergið við hliðina á mínu. Ég gleymdi allri minni dönsku í geðshræringunni og bunaði því út úr mér þegar maðurinn opnaði dyrnar: "There is a really really really really really REALLY really really big spider in the bathroom and I can't kill it 'cause it's so really really really really REALLY really big!!!" Daninn (sem ég veit nú annars ekki hvað heitir en hefur samt búið hérna í fjögur ár og ég hef bara séð svona 6 sinnum síðan ég flutti hingað) var nú ekki lengi vippa sér fram á bað og líta á flykkið. Ég stóð hjá og nötraði og spurði svo með skjálfandi röddu hvort ég ætti ekki að ná í glas eða einhver álíka veiðitól, en maðurinn stökk þá inn í herbergið sitt og náði í ostadall og ég stökk inn í herbergi og náði í myndavél. Oj bara!

Engin smá stærð, jesús minn og allar hans lærisneiðar, ég held ég flytji bara aftur heim! :S
---

Jæja, á föstudaginn seinasta fór ég svo í seinasta skiptið í dönskuskólann minn til þess að segja bless við kennarann og kunningjana. Haldið var á kaffihús eftir skólann þar sem við vorum nokkur og drukkum kaffi og kakó og skemmtum okkur konunglega, allt þar til ég ákvað að ég þyrfti að fara heim, því ég var nefnilega að fara á skrallið með henni Hildi skvís.
---

Og svo tókum við Hildur okkur til heima hjá mér, og fórum svo og máluðum bæinn æpandi rauðan!!! Ég get svoleiðis svarið þetta, þetta kvöld var bara rugl gaman og trónir á toppnum yfir skemmtilegustu djömm ársins! Ég ætla þó ekki að fara út í nein smáatriði (hósthósthóst) en get þó með góðri samvisku nefnt hraðamet í drykkju og hegðun eftir því, Færeyinga sem fannst við svo miklar gellur að þeir ákváðu að elta okkur á skemmtistaðinn "okkar" eftir að hafa farið og sagt hæ við félaga sína á öðrum skemmtistað, heita dansa uppi í gluggakistum, heita gaura, 7-eleven, og svo náttúrulega þegar ég þóttist kunna að dansa salsa... að ógleymdu öllu fólkinu sem við Hildur spjölluðum við á klósettinu og dönsku stelpunum sem eru að fara að leika á leiksýningu á Húsavík eftir viku, og svo heppilega vill til að Hildur sem er Húsvíkingur verður akkúrat á Húsavík þá... lítill heimur!!!

Ekki neitt óskaplega gelluleg mynd, við þurftum nefnilega að rjúka út á lestarstöð til þess að ná seinustu lestinni í bæinn og enginn tími til þess að stilla upp í pósu...
---

Nú jæja, eftir þriggja tíma svefn hjá sumum og fjögurra tíma svefn hjá öðrum (vorum komnar í rúmið klukkan rúmlega sex um morguninn) fórum við á fætur og röltum út í bakarí. Síðan lá leiðin niður í bæ þar sem við hittum Lindu nokkra og fórum í heljarinnar búðarráp.

Hildur hin ósofna var orðin þreytt í H&M og fann sér þennan líka fína stól

Ég og Linda

Ég og Hildur, myglaðar og sætar

---

Eftir búðarrápið ákvaðum við Hildur og Linda að gerast menningarlegar og skella okkur á sýningu. Við skulum nú ekkert vera að tala um hvernig sýning þetta var á svona opnum og fjöllesnum vef, en var hún þó kennd við orðin kyn og líf og samanstóð af sölubásum í heillri íþróttahöll fullum með allskonar, tjah, hjálpartækjum... og svo má ekki gleyma strippsýningunni! Jújú, lifandi sýning skal ég ykkur segja, verst bara að það sannaðist í seinustu færslu að nakið kvenfólk gerir ekkert fyrir mig...

Þarna var Natalía ennþá í fötunum, en það fór nú ekki mikið fyrir þeim í lok sýningarinnar...

---

Sunnudagurinn (gærdagurinn) var svo algjört æði. Dagurinn byrjaði reyndar á sunnudagsvakt í vinnunni, en eftir það skellti ég mér upp í lest og brunaði heim til Hildar. Þar var hún búin að elda handa mér lasagne og allegræ ásamt guðdómlegum eftirrétt! Ohohoh, gott fyrir línurnar ;) Verður sko pottþétt endurtekið aftur!!!

---

En nú má ég ekki vera að þessu lengur, við hittumst heil! Hilsen, Anna la salsa

Nóg að gera

Uss, ég stend mig ekki í þessu, færslurnar verða bara færri og færri með hverjum mánuðinum sem líður! Spurning hvenær maður hætti þessari vitleysu eiginlega...

Annars er allt ljómandi að frétta, enda svo sem ekki við öðru að búast. Alltaf stuð hér í Köben, maður er alveg upptekinn upp fyrir haus í að taka á móti gestum og fleiri skemmtilegheit!

Mamma og pabbi og Friðrik litli bró voru t.d. hérna um helgina og gerðum við margt okkur til dundurs. Fórum t.d. á stórskemmtilegt vísindasafn þar sem ég komst meðal annars að því að heilinn í mér bregst ekki við því að sjá nakið kvenfólk en fer á fullt við að sjá rússíbana og eiturslöngur... Mikið var nú gott að fá staðfestingu á því! Einnig skruppu sumir aaaðeins í búðir, kíkt var á nokkra túristastaði, farið var í heimsókn í herbergið mitt góða sem og í vinnuna mína... Ásamt ýmsu öðru. Og ekki má gleyma öllu því sem komið var með til mín frá Íslandi, hohoho! Þetta var eins og jólin bara! Hérna kemur listinn:

- Gult seríos! Ekki einn pakki eða tveir, heldur þrír gulir og stórir og fallegir og fullkomnir að öllu leyti! I'm in Heaven :D
- Royal búðingur! Heilir átta pakkar, tveir með hverju bragði! Ætti að endast nokkuð fram að jólum ;)
- Rúmföt, elsku elsku rúmfötin mín! Fyrir þá sem ekki vita, þá veit ég ekkert skemmtilegra í heiminum en að eiga og skoða flott rúmföt... Reyndar komst bara brotabrot með ofan í töskuna, seríosið tók svo mikið pláss og ég á nú ekki beint fá sett af rúmfötum...
- Útsaumsmyndin mín! Búin að sakna hennar mikið :) Verð sennilega búin með hana fyrir þarnæstu jól...
- RAUÐA ÁSTARSERÍAN!!! September-pakkinn 2007, fjórar bækur alls!!! Ef það var ekki bara það besta í heimi þá veit ég ekki hvað! Fyrir þá sem ekki vita, þá er ég mikill og innilegur aðdáandi Rauðu ástarseríunnar, sérstaklega finnst mér sjúkrahússögurnar skemmtilegar...
- Lýsi, íslenskt hákarlalýsi! Treysti ekki lýsi úr dönskum fiskum...
- Sokkar með íslenska fánanum á! Ohohoh, þá hættir fólk kannski að halda að ég sé Svíi eða í sumum tilfellum Færeyingur...
- Ágætur skammtur af snyrtiblaðinu góða! :D Ef maður er ekki húkt á þeim ósköpum þá veit ég ekki hvað! Já, það er ekkert grín að læra að verða pía...
- Hollenska orðabókin mín dásamlega! Var farin að sakna hennar afar sárt :D
- Prjónasokkar og prjónavettlingar frá ömmu Steingerði á Grænavatni! Tekið í notkun med det samme!

En já, æðisleg helgi að baki og myndir verða birtar síðar :)

Hins vegar er ekki alveg jafn æðislegt að dönskuskólanum mínum verði lokað núna á föstudaginn... Gæti sagt margt ljótt um Kaupmannahafnarkommúnu akkúrat núna, já, ég bölva því sveitafélagi bara í sand og ösku! Margt búið að ganga á sem ég nenni ekki að rekja hér ég efast um að einhver hafi áhuga á svona pólitískum málum, en það verður allavega haldin mótmælaganga miðvikudaginn 3. október klukkan 11 frá Nörrebrogade 32 og niður á Ráðhústorg... Fjölmiðlar eru komnir í málið og allskonar, vona að ég nái að býtta á vakt við einhvern úr vinnunni svo ég geti mætt í gönguna, langar svo í mynd af mér í dagblöðin þið skiljið... En hér eru allavega síður sem þið getið skoðað þótt þið skiljið ábyggilega hvorki upp né niður í þessu þar sem ég nenni ekki að útskýra forsögu málsins eins og stendur:

# Opið fjölmiðlabréf frá skólastjóra KISS (skólans): http://www.kisscontinue.dk/
# Upplýsingasíða nemendanna sem nú berjast hart fyrir skólanum: http://www.kissdk.blogspot.com/, eins eru e-mail grúppur í gangi sem almenningur hefur ekki aðgang að
# Það sem nemendurnir krefjast sé skólanum lokað sem og aðrar upplýsingar til mótmælenda: http://wewantakiss.wetpaint.com/
# Politiken segir frá annarri hlið málsins: http://politiken.dk/indland/article387138.ecehttp://politiken.dk/indland/article387138.ece
# BT-blaðið segir eins frá: http://www.bt.dk/article/20070928/pcindland/709280365/
# Sömu sögu er að segja með Berlingske tidende: http://www.berlingske.dk/article/20070928/danmark/709280353/

Eins hefur málið komið fram í sjónvarpsfréttum á einhverjum stöðvum.

Reyndar er ég nú búin með þennan blessaða skóla fyrir utan einhver próf sem ég tek í lok árs, en þau get ég tekið úr öðrum skóla svo þessi lokun skólans hefur engin áhrif á mig þannig séð... En það er sama, þá á nú ekkert að loka skólanum þrátt fyrir það...

En jæja, ég verð að fara og klára ástarseríubók! Hilsen, Anna the busy

Loksins ný færsla

Kræst, það er aftur að koma helgi! Hvað er málið?
---

Héðan er annars allt gott að frétta. Bara rétt rúmlega þrjár vikur eftir að dönskuskólanum í bili og ég strax farin að vandræðast hvað ég á að gera allan þann frítíma sem ég fæ. Einmitt þess vegna er ég búin að biðja múttu um að kippa með sér útsaumsmyndinni minni að heiman (sem ég byrjaði á fyrir tveimur árum síðan) þegar hún, pabbi og Friðrik litli bró koma hingað eftir akkúrat viku. Svo er ég líka búin að kaupa mér saumavél á spottprís í Netto svo kannski maður leggist hreinilega í föndur. Þið hafið nú öll séð myndina af páskaunganum mínum fallega...
---

Og svo skellti mér í klippingu og litun í morgun. Það var gaman. Ég er nefnilega búin að finna mér hárgreiðslukonu sem skilur hvað ég er að plana með hárið á mér, gerir akkúrat það sem ég segi, er góð í því að klippa og er bara fjári skemmtileg og veit núorðið allt um ævisögu mína og framtíðarplön... Ekki dónalegt!
---

En vá, nú er ég að falla á tíma, þarf að fara að sofa til að geta mætt í vinnuna til þess að græða meiri peninga til þess að geta keypt mér fleiri skó... Svo nú kemur lokahnykkurinn á þetta.
---

Um seinustu helgi lágu leiðir okkar Hildar nokkurrar saman og við ákváðum að gera eitthvað skemmtilegt. Úr því varð all svakalegur djammtúr í bæinn (eftir smá hlaup á lestarstöðina) þar sem slett var aldeilis úr klaufunum. Verður þó að segjast eins og er að sumar (hóst*við*hóst) voru orðnar eilítið valtar á fótunum svona undir lokin, enda kannski aðeins fengið sér í aðra tánna og jafnvel í hina líka... Reyndar vil ég meina að mitt jafnvægisskyn hafi ekki verið jafn slæmt og raun ber vitni, heldur vil ég alfarið kenna hælunum á stígvélunum mínum um, því tappinn á öðrum hælnum ákvað að detta af í dansæðinu og var sá hæll því nokkru styttri en hinn... en það vissi ég ekki fyrr en út af skemmtistaðnum var komið og tími var til þess að skipta um skó. Var þetta rassadill hið fínasta og er planið að endurtaka leikinn annað kvöld. Lúkkið tékkað áður en haldið var af stað
---

Þannig að ég sé sem sagt fram á vægast sagt fjöruga helgi. Mér tókst nefnilega óvart að bóka mig á þrjú djömm á tveimur dögum, svo augljóst er að einhverju verð ég að slaufa og hef ég nú gert upp hug minn. Planið fyrir helgina er því þetta:

Föstudagskvöld: Hitta Hildi, snurfusa okkur heima hjá mér, halda í bæinn og gera góða hluti (við erum sko með ákveðið "verkefni" í gangi, tala ekki meira um það hér...), fara heim til mín og sofa.

Laugardagur: Vakna vonandi einhvern tímann, svo þarf ég að gera ýmis erindi í bæinn, fara heim aftur, hringja í mömmu, taka mig til fyrir kvöldið og halda heim til einnar úr vinnunni þar sem við ætlum að hittast nokkrar Netto-gellur og hafa stuð. Þaðan verður svo haldið í bæinn þar sem allt verður gert vitlaust. Ekki aðeins er búið að plana óhóflega áfengisdrykkju, heldur er einnig veðmál í gangi sem best er að ræða ekki meira um hér á þessum víðlesna vef... Þess má geta að ég hafði ekkert um það að segja hvort myndi mæta eða ekki. Ef það er Netto-djamm, þá er Anna. Það verður nefnilega að hafa einhverjar sögur að segja hinu samstarfsfólkinu, sem komst ekki, næstu vikurnar, og þar kem ég víst inn í myndina... Engin Anna - engar sögur! Veit ekki hvort ég að vera upp með mér eða sármóðguð...

Sunnudagur: Vakna og laga til. Slappa af áður en vinnuvikan byrjar aftur. Ljúft :)

En nú verð ég að drífa mig, bæjó! Hilsen frá Köben ;)

Oh what a beautiful mooorning

... oh what a beautiful day.

Ég vaknaði klukkan 05:13 í morgun og gat ekki sofið meir vegna of mikils svefns núna um helgina. En þar sem ég og rúmið mitt erum bestu vinir lá ég samt í mestu makindum aðeins lengur og fór ekki fram úr fyrr en klukkan 06:20, tíu mínútum á eftir áætlun. Þegar ég steig niður á gólfið sá ég alveg ógeðslega stóra kónguló hlaupa eftir gólfinu, oj oj oj! Og ég sem hélt að herbergið mitt væri kóngulóarfrítt! Reyndar verður að segjast eins og er að þetta var engin venjuleg kónguló með temmilegan búk og tíu cm langar lappir, bara ef svo væri. Nei, þetta var voðalega tarantúlulegt með feitar lappir og feitan og kjötmikinn búk (samt aðeins minna en tarantúla sko, sem betur fer!). Hjartað missti úr nokkur slög og ég horfði í örvæntingu minni í kringum mig í leit að einhverju til þess að drepa helvítið. Ég tímdi að sjálfsögðu ekki skónum mínum frekar en fyrri daginn, en rakst á glas með kanelsykri uppi í gluggakistu. Ég hellti kanelsykrinum í ruslið og spreyjaði svo hárlakki í glasið svo það var u.þ.b. tveggja centímetra djúpur hárlakkspollur í því, dró djúpt að mér andann og hvolfdi glasinu yfir ógeðið. Það tók kóngulóarskrattann ekki nema mínútu að drepast en mig tíu mínútur að ná andanum. Og þá voru öll tímaplön og morgunrútínan fokin út í veður vind svo ég hitaði mér hafragraut í stresskasti og borðaði í snarhasti.

Eftir að hafa sporðrennt grautnum (án kanelsykursins sem lá náðsamlegast í ruslinu) leit ég á klukkuna og fannst ég hafa nokkuð góðan tíma þrátt fyrir uppákomu morgunins. Svo leit ég í spegilinn og sá bara klessu. Sjitt, linsurnar! Svo ég greip linsuboxið og skellti linsunum í mig. Það fór þó ekki betur en svo hægri linsan datt á gólfið og fannst ekki aftur þrátt fyrir dágóða leit, svo ég þurfti að grafa ansi djúpt inn í alltoffulla snyrtivöruskápinn minn til þess að finna annað par. Sem ég fann og skellti í. En svo var vinstri linsan voða mikið að stríða mér og ég alveg að falla á tíma svo ég skellti bara nýrri í það auga líka. Og þá var klukkan 07:00.

Nei öss, ég hef alveg böns af tíma, best að skella sér fram í eldhús og "smyrja nesti" (sem sagt skella fjórum sneiðum af osti í tilbúnum sneiðum ofan á fjórar þurrar brauðsneiðar og fylla vatnsflöskuna) og fara svo inn í herbergi og snurfusa sig smá. Um leið og ég gekk aftur inn í herbergið mitt klukkan 07:07 hringdi síminn minn.

# Yfirmaðurinn (hress eins og alltaf): Góðan daginn Anna!
# Anna (voða hress á móti): Nei góðan daginn!
# Yfirmaðurinn: Hvar ertu?
# Anna: Ég? Ég er nú bara heima sko...
# Yfirmaðurinn (glettinn): Núú, og hafðirðu ekkert hugsað þér að mæta í vinnuna eða?
# Anna: Já en Tommy minn, ég á ekki að mæta fyrr en klukkan átta svo það er algjör óþarfi að örvænta.
# Yfirmaðurinn (hissa): ÁTTA? Nei, það stendur á vaktaplaninu að þú eigir að mæta klukkan sjö!
# Anna (voða róleg): Neinei, ég dobbúltékkaði þetta á föstudaginn. Nema náttúrulega að þú hafir breytt tímunum mínum um helgina þegar ég var ekki í vinnunni...
# Yfirmaðurinn: Bíddu, ég ætla að hlaupa og tékka á þessu. (Kemur eftir smástund). Nooh, ég leit óvart á síðustu viku í staðinn fyrir þessa... Var ég nokkuð að vekja þig?
# Anna: Neinei, ég vaknaði fyrir löngu síðan og er búin að drepa kónguló og hvaðeina síðan þá. En nú hef ég ekki tíma til þess að tala við þig lengur ef þú vilt að ég mæti í vinnuna klukkan átta...

Og svo mætti ég í vinnuna klukkan átta.

Og svo fór ég í dönskuskólann eftir vinnu. Gekk það ljómandi eins og alltaf, nema að mér brást örlítið bogalistin í einni æfingunni sem kallast "udskiftningsövelser" eða "substitutional drills" og ég nenni ekki að eyða tíma í að útskýra hér. En já, það allavega klikkaði eitthvað hjá mér í einni setningunni og þá stökk kennarinn upp úr stólnum, setti báðar hendur í superman-stellingu upp í loft og hrópaði svo í glumdi "JESS VIÐ NÁÐUM ÍSLENDINGNUM!!!!". Og svo klappaði bekkurinn. Söguleg stund ;)

En já, best að fara að sofa, ætla að skella mér í bæinn á morgun fyrir vinnu (sem hefst klukkan 14) og kaupa mér skordýraeitur og tæki sem lokkar skordýr að og drepur þau svo með rafmagnsstraumi. Þá þarf ég allavega ekki að eyða hárspreyinu mínu í vitleysu.

Góða nótt kæru vinir! Bestu kveðjur frá Köpenhamn, Anna Björk kóngulóabani.

Afsakið hlé

Ég skrifaði svo leiðinlega færslu að ég get ekki gert ykkur það að birta hana.

Blogga aftur seinna.

Yfir og út.

Hilsen, Anna Köbenskvísa

Copenhagen city

Jú, alltaf nóg að gerast hér í Danmörku! Morguninn byrjaði þó ekki alveg nógu vel. Ég átti að mæta í vinnu klukkan átta, og var því mætt út á lestarstöðina klukkan 7:24, svona eins og vera ber. En nei, vegna tæknilegra bilana GENGU ENGAR S-LESTIR Í BORGINNI! (Ekki "ganga" í bókstaflegri merkingu þó...). Bara alls engar! Overhovedet! Sjitt, og engar nothæfar strætóstoppistöðvar í margra kílómetra radíus. Og það var ekki búið að manna S-lestarstrætóana sem eiga að ganga þegar S-lestirnar bila, svo ég hringdi í yfirmanninn og sagðist vera föst á lestarstöðinni minni og kæmi sennilega frekar mikið of seint í vinnuna, þar sem ég þyrfti að ganga langa leið til þess að finna næstu Metro-lestarstöð. Yfirmaðurinn sagði mér að hringja bara á taxa í boði Netto, sem ég og gerði. "Góðan daginn, þetta er leigubílastöðin blablabla, þér eruð númer 13 í röðinni". Eftir þrjár mínútur var ég ennþá númer þrettán í röðinni og inneignin mín að klárast svo ég prófaði að hringja á aðra stöð. Sama sagan þar. Og svo var inneignin mín búin. Meira sjitt. En ég dó þó ekki ráðalaus og skundaði inn í næsta bakarí og spurði hvort ég mætti nokkuð aðeins nota símann þeirra gegn greiðslu. Ha jújú, 5 kall takk! Svo ég hringdi aftur í yfirmanninn og sagðist þurfa að skunda á næstu metrostöð því það væri engin leið að ná í taxa og svo var ég líka nýbúin að spjalla við einn mann sem var búinn að bíða í 20 mínútur eftir sínum taxa og taxinn hvergi nærri sjáanlegur... Svo ég arkaði af stað. Eftir heilmikið labb (hálftímaleið) og nestistopp í 7-eleven (kommon, hefði ég vitað af þessu labbi hefði ég borðað þrefaldan skammt af morgunmat í staðinn fyrir bara tvöfaldan!) tókst mér að koma bara hálftíma of seint í vinnuna. Þá hafði brauðið komið alltof seint og allar hinar vörurnar alltof snemma og búðin stöppuð af kúnnum (allir nýbúnir að fá útborgað) og allt í stressi. Æði! Sjá frétt um lestarvandamálið hér.
---

En nóg um það. Hér koma nokkrar myndir frá því Lilja var hér í seinustu viku.
Lilja og ég að versla, hojhoj! (Ég veit, ég veit, vitlaus notkun á sögninni "að versla"...).

Í sól og sumaryl á Strikinu :)

Á sunnudeginum var farið í Tívolí! Þar voru öll tækin prófuð nema tvö (sem var ákveðið að slaufa sökum ógleði og almennrar tækjaþreytu) og dagurinn var hinn allraskemmtilegasti. Eftir tívolíferðina var að sjálfsögðu haldið í Kristjaníu að fá sér að borða, svona eins og vera ber :)

Lilja og Snævar
---

En já, mikið óskaplega var gaman að fá hana Lilju mína í heimsókn! Lilja, komdu fljótt aftur :)
---

Núnú, á mánudeginum brunaði ég beint úr vinnunni og út á flugvöll að sækja Yukinu frá Japan. Þar voru miklir fagnaðarfundir og gaman gaman :) Og svo var komið að því að koma flykkinu (ferðatöskunni hennar Yukinu sem var bæði kingsize og í heljarinnar yfirvigt) inn í bæinn. Eftir að hafa dröslað ferlíkinu upp í lest með hálp sterkra manna sem glottu óþarflega mikið að óförum okkar við að reyna að koma töskunni upp tröppurnar í lestina, komumst við loksins í bæinn. Þar tók við heljarinnar svaðilför yfir götur og ofan í polla á leiðinni á gistiheimilið sem var 500 metra frá Aðalbrautarstöðinni. Eftir check-inn og lyftuferð í fyndnustu lyftu í heimi var komið að mér að láta ljós mitt skína og reyna á leiðsögumannahæfileika mína. Fyrst var skundað á Ráðhústorgið, og þá var sumum orðið ansi kalt því þeir föttuðu ekki að það væri kalt í Evrópu (hósthóst) svo ég fórnaði mér og lánaði Yukinu úlpuna mína og stökk svo inn í næstu búð og keypti eitt stykki flíspeysu. Og svo héldum við túrnum áfram.
Það var þó ekki svo kalt að það væri hægt að sleppa því að fá sér heita vöfflu með ís... Eftir ísinn fórum við í Kristjaníu (fjórða skiptið mitt á fimm dögum, geri aðrir betur) sem var með því svalasta sem Yukina hefur séð, hehe. Eftir túrinn í Kristjaníu bauð ég Yukinu út að borða á Jensens böfhouse, þar sem við fengum okkur fáránlega góða og fáránlega stóra hamborgara (minn var kjúklingaborgari, algjört æði!). Yfir matnum fattaði Yukina að hún átti afmæli (20 ára) og við spurðum því þjóninn hvort við fengjum ekki ókeypis eftirrétt, þrátt fyrir að hafa ekki náð að torga borgurunum ;) Eftir heilmikinn rannsóknarleiðangur kom þjónninn svo til baka og tilkynnti okkur leiður að það væri því miður ekkert slíkt í boði, en við gætum svo sem fengið þennan fína fána á borðið hjá okkur í tilefni dagsins, hahaha :P


Yukina með fánann fína.

Eftir matinn var klukkan orðin rúmlega tíu og ég fylgdi Yukinu aftur á gistiheimilið og fór svo heim.

Daginn eftir hitti ég Yukinu á gistiheimilinu klukkan tíu. Við komum töskuskrímslinu í farangurshólf á Aðalbrautarstöðinni og héldum svo í smá skoðunarferð um Nyhavn.
Yukina og ég á Nyhavn, þarna fyrir aftan okkur sést glitta í Óperuhúsið alveg til vinstri.

Og svo þurftum við að drífa okkur til baka og koma okkur út á flugvöll, því Yukina átti flug til GAUTABORGAR klukkan tvö. Já, stelpan er að fara í háskóla þar, flottasta borgin sko :P Og svo var komið að kveðjustund, snökt. En hver veit nema að maður skelli sér bara til Gautaborgar í heimsókn? ;)
---

En já, best að fara og horfa á sjónvarpið!
Ástarkveðjur, Anna hin þreytta sem þarf að vinna á morgun (sunnudegi!).