Annáll 2008

Jæja, þá er árið brátt á enda og því kominn tími á hinn árlega annál. Einhvern veginn finnst mér að ég hafi frekar fátt að segja, annað en Peter Peter Peter, en við skulum sjá til hvort ég geti ekki grafið eitthvað meira upp.

# Í janúar 2008 vorum við Peter farin að tala um, að það væri nú kannski ekki svo galið ef ég myndi pakka niður í ferðatösku og hálfpartinn flytja til hans. Okkur fannst fjarlægðin á milli Vanlöse og Kastrup alveg óhugnaleg, og ákváðum við að hafa kerfið þannig að ég væri slatta af dögum hjá honum og nokkra hjá mér, slatta af dögum hjá honum og nokkra hjá mér og svo framvegis. Í lok mánaðarins kastaði ég svo drasli í tösku og arkaði heim til hans í litlu sætu 40 fermetra íbúðina hans, þar sem við vorum fram á sumar.

# Í febrúar kom Ingi minn svo í stutta heimsókn, í hálfan sólarhring eða svo, og var svo veðurtepptur í 26 klukkutíma á Kastrup-flugvelli. Fátt annað fréttnæmt gerðist þann mánuð, ég var bara að vinna og rólegheit.

# Í mars gerðist ekkert markvert, fór samt oft út að borða með Peter mínum og allskonar dúllerí.

# Í apríl keyptum við Peter okkur þvottavél í litlu litlu íbúðina okkar. Sú þvottavél hefur verið mikið notuð alla tíð síðan, enda vitum við ekkert leiðinlegra en þvottakjallara... Eitthvað var farið á skemmtistaði borgarinnar þennan mánuð.

# Í maí fórum við Peter í helgarferð til Gautaborgar. Sú ferð var algjör snilld, og erum við ennþá að vitna í hana, því mikið af einkahúmor varð til í þeirri ferð. Við gistum á uppáhaldshótelinu mínu, Hotel Gothia Towers þar sem ég var að vinna sumarið 2006.

# Í byrjun júní var frekar heitt og ómögulegt að sofa. Eftir miðjan júní varð svo skítkalt aftur. Hann Ingi minn kom aftur í heimsókn, vúhú! Við sóttum líka um nýja íbúð í þessum mánuði. Peter var búinn að búa í 2 ár í litlu íbúðinni og myndi því lenda ofarlega á forgangslista. Það voru allavega ekki neinar ýkjur að við myndum lenda ofarlega á forgangslista, því 3 dögum eftir að við fengum umsóknina okkar staðfesta, þá fengum við tilboð um íbúð. Allajafna er um 2 ára biðlisti eftir íbúðarstærðinni sem við sóttum um (sóttum um 3 herbergja, ef maður sækir um 2 herbergja íbúð er 7 ára biðlisti! Peter þurfti að bíða í 2 ár eftir litlu íbúðinni, enda er biðlistinn ca. 2 ár þar). Til allrar lukku voru nefnilega tvö pör búin að skoða íbúðina á undan okkur og bæði sagt nei (annað parið því þeim fannst svalirnar ekki nógu stórar og hitt parið því þeim fannst eldhúsinnréttingin ekki nógu nýleg). Svo við nutum góðs af og skelltum okkur á íbúðina, enda stór (86 fermetrar), björt og rúmgóð. Í lok júní fékk ég að vita að mig vantaði einn þýskuáfanga og háskólaumsóknirnar mínar því ógildar. Ég tók þó til þess ráðs að hafa samband við Versló í snarhasti, smjaðraði pínu og sagði frá glæsilegri tíu-sögu minni í þýsku, og sjá, ég fékk að fljóta með í fjarnámið, þrátt fyrir að vera nokkrum vikum á eftir hinum nemendunum.

# Við fengum nýju íbúðina afhenta 1. júlí. Við höfðum hálfan mánuð til þess að tæma gömlu íbúðina okkar, en það gekk nú greiðlega þar sem að nýja íbúðin var einungis 300 metrum frá þeirri gömlu, hentugt! Svo máluðum við og græjuðum og gerðum þetta voða fínt og flott. Ég sagði einnig upp herberginu mínu í Vanlöse og tæmdi það. Ótrúlegt hvað maður sankar alltaf að sér mikið af drasli. Ég átti afmæli 29. júlí og varð hundgömul, sem sagt 21 árs. Í lok júlí fékk ég líka svar um að ég væri komin inn í Humanistisk informatik í Álaborgarháskóla í Kaupmannahöfn, vúhú!

# Í ágúst keyptum við Peter okkur viftu til þess að geta sofið í sumarhitanum. Reyndar var þetta sumar frekar kalt, en það var samt alltaf alveg ægilega heitt á nóttunni svo ekki var hægt að sofa. Þessi vifta er eitt af því besta sem við höfum fjárfest í, með fjarstýringu og tímastilli og svefnstillingum (blæs smá og stoppar, og blæs smá og stoppar) og skiptandi stillingum og hraðastillingum og hvað veit ég. Í byrjun ágúst skelltum við okkur svo til Íslands og gerðum okkur margt til dundurs þar, fórum í hvalaskoðum og baðlónið og út á vatn að veiða og allskonar sightseeing um sveitina. Svo lentum við í 11 tíma seinkun á flugi á Akureyrarflugvelli og rétt svo misstum af fluginu okkar til Portúgal. Við keyptum samt bara nýja (rándýra) miða og skelltum okkur til Algarve í Portúgal, enda búin að leigja hús þar ásamt vinum okkar. Í Portúgal var slappað af í einkasundlauginni, farið í risastóran sundlaugargarð og í sædýragarð, á ströndina og allskonar.

# Skólinn byrjaði í september. Það gekk nú ljómandi vel allt saman. Ég minnkaði alllaglega við mig vinnu, og fór að mæta annan hvern laugardag, 10 tíma í senn.

# Í október var farið í vísindaferð með bekknum. Við fórum til fjandans, nánar tiltekið til Haderslev á Suður-Jótlandi. Ægilega löng rútuferð. En þetta var samt mjög gaman allt saman. Ég tók einnig vikulangt heimapróf í þessum mánuði, það gekk nú ljómandi vel. Ég fór einnig partí með vinnufélögunum, fórum í keilu og keyptum svo óheyrilegt magn af búsi og drukkum duglega heima hjá einum vinnufélaganum. Gaman gaman. Mig minnir líka að það hafi verið í þessum mánuði sem ég fór í stóra Nettó-veislu, þar sem allir Nettó-starfsmenn Kaupmannahafnar voru samankomnir. Það var stuð, matur og ókeypis drykkir, en það allra besta var að Nik & Jay komu að spila, og spiluðu í ca. hálftíma, vúhú! Við Peter áttum svo ársafmæli þann 6. október.

# Nóvember= hópverkefni. Fyrst upptökur á stuttmynd og svo löng ritgerð. Átti mér þar af leiðandi ekkert líf í desember, fór reyndar einu sinni á Lauritz með henni Hildi minni.

# Desember= átti mér heldur ekkert líf, allavega ekki fyrr en þann 17. desember, þegar við skiluðum loksins ritgerðinni okkar. Það var mikill gleðidagur! Við Peter fórum svo út að fagna með Leu úr bekknum mínum og Martin kærasta hennar. 3. desember varð Peter einnig 25 ára, og við fórum að borða í tilefni þess. 6. desember vorum við svo með afmælisveislu þar sem fjölskyldu Peters var boðið í kökur og pitsu. 21. desember flaug ég svo til Íslands í jólafrí, borðaði yfir mig af smákökum og fór í partí með félögunum á Akureyri svo fátt eitt sé nefnt.

Já, ágætis ár að baki.

Hafið það gott älsklingarnir mínir! Bestu kveðjur, Anna panna.

Heima

Jæja, nú er ég komin heim í heiðardalinn. Er nú þegar búin að borða óhóflega af smákökum, en sem betur fer er til þrekhjól hér á bæ, svo ég býst við að eyða ágætum tíma jólanna þar. Læknirinn minn er nefnilega búinn að skipa mér að fara í aðhald, því ég er greinilega í miklum áhættuhópi offitusjúklinga með allar mínar eggjastokkablöðrur, og verð ég því með öll mín 58 kíló að hætta allri óhollustu og kaupa mér kort í ræktina. Dæs. Það verður allavega í kjólinn fyrir jólin á næsta ári, nema að ég verði hreinlega horfin...

Ferðalagið í gær gekk ljómandi vel. Vélinni seinkaði bara um 25 mínútur, en aftur á móti var svo mikill mótvindur á leiðinni heim að þar bættust við 20 mínútur. Ég hitti svo færeyskan vinnufélaga minn í flugstöðinni í Kastrup og hann sagði farir sínar ekki sléttar, hann var á leiðinni til Færeyja í jólafrí en það var svo mikið rok í Færeyjum að fluginu var allavega seinkað um 5 tíma. Hann tók því samt rólega og fékk sér bjór.

Pabbi og Einar stóribrósi komu svo að sækja mig, enda er ég alltof illa brennd af seinkuðu flugi til þess að ég taki séns á að fljúga ef hægt er að keyra.

Ég verð nú samt að segja eins og er að ég sakna hans Peters mín alveg ógurlega. Við höfum ekki verið eina einustu nótt í burtu frá hvort öðru síðan við fengum nýju íbúðina okkar í júlí og því alveg ómögulegt að sofa einn. Peter gat til dæmis ekki hugsað sér að sofa einn í rúminu okkar í nótt svo hann var vakandi fram á rauðamorgun og bjó svo um sig á sófanum og býst við að sofa þar þar til ég kem aftur...

Og svo þarf maður náttúrulega að venja sig á íslenskuna aftur. Í bílnum á leiðinni heim í gær sat ég í aftursætinu á meðan Einar og pabbi sátu fram í. Ég dottaði eitthvað og vaknaði svo aftur og þá átti eftirfarandi sér stað:
Anna: Hvor er vi henne?
Einar og pabbi: Ha??
Anna (ennþá hærra): Hvor er vi henne!!!
Einar: Uhhh, Holtavörðuheiði?

En jæja, best að fara og dúlla pakka (fast orðasamband hér á bæ: dúlla pakka=pakka inn og skreyta með allskonar dúlleríi) því ég þarf að koma pakkanum hennar Lilju minnar í póst á morgun... er löngu búin að kaupa gjöfina, en þar sem ég er ekki alltaf neitt rosalega framtakssöm, þá fær Lilja pakkann sennilega á milli jóla og nýárs... sorrí Lilja mín ef þú lest þetta!

En allavega, hafið það gott ástarpungarnir mínir! Bestu kveðjur, Anna Björk

Løng myndafærsla

Jæja, tá kemur smá færsla handa ykkur med myndum og allegræ. Flestar myndirnar eru frá Íslandi, tví søkum stuttrar ferdar og leti var ekki tekid mikid af myndum á Portúgal, og eru flestar tær sem tar voru teknar hvort sem er óbirtingarhæfar søkum lélegs útlits (augnblýanturinn minn týndist) og/eda drykkju. Vesgú:

Ég í flugstødinni á leidinni til Íslands, ad sjálfsøgdu var tveggja tíma seinkun á flugi.

Vorum alveg ad fara ad lenda á Akureyri, og ég turfti ad útskýra fyrir Peter af hverju áin liti svona út. Ekki eitthvad sem madur sér í Danmørku.

Vid lentum heil og á húfi og eftir smá rúnt á Akureyri var haldid heim í Mývatnssveit. Vid stoppudum vid Godafoss á leidinni í nístings kulda.
Fjárhúsin heima.
Og húsid mitt :)
Svona fyrirbæri hafdi Peter aldrei séd ádur og fannst tad voda merkilegt.
Peter heima vid Grænavatn.

Gamli bærinn heima, tókum ad sjálfsøgdu skodunartúr um hann.
Heima.
Vid á leid í hvalaskodun. Ég veit samt ekki alveg til hvada lands vid vorum ad fara tegar vid pøkkudum nidur, og tess vegna eru bádar úlpurnar sem vid erum í fengnar ad láni hjá Kristni litla bró...
Flottur jakki!
Jessör!

Og svo var haldid af stad.
Alltaf svo sæt og fín ;)
Vid sáum fullt af hvølum og høfrungum.
Tessi appelsínugulu vesti bæta ekki upp á útlitid...

Og svo var farid tvisvar sinnum í jardbødin, ljúft ljúft.

Skodunartúr um sveitina: Ég, Peter, Fridrik litli bró, Kristinn litli bró og Einar stóri bró.
Ég og Peter uppi á Hverfjalli.
Og svo var kíkt í Grjótagjá.
Peter og pabbi vid Grjótagjá.
Ég.

Ég og Kristinn.
Sprunga.
Ég og Peter í Grjótagjá.
Ønnur hópmynd.
Fórum líka í Krøflu.

Og á Hverarønd.
Peter ákvad ad skellla sér í gufubad, trátt fyrir "ógedslegu eggjalyktina"...

:)

Og svo vildi svo skemmtilega til ad hann Frikrik litli bró vann eitt sinn adalvinninginn í bingói, sem innihélt fimm rétta máltíd med drykkjum fyrir 6 manns, svo Fridrik baud fjølskyldunni út ad borda. Tar komst hann Peter minn í feitt tegar hann fékk allskonar "nýjan"mat ad borda. Í fyrsta forrétt var fiskiréttur sem samanstód af humar, silungi og einhverjum ødrum fiski. Í annan adalrétt voru rækjur. Í tridja rétt var ønd. Í fjórda rétt var hreindýr (og Peter bordadi bædi sinn skammt og minn...) og í eftirrétt var svo grilladur banani med ís. Jammí.

Sigrún (kærastan hans Einars), Einar, Kristinn, Peter, ég og Fridrik.

Pabbi og mamma.
Peter og ég.
Einn daginn fórum vid Peter í Høfda.

Peter í Høfda.
Og aftur í Høfda.

Alltaf jafn fallegt.
Peter og ég.
Peter ofan í sprungu.
Fridrik og Peter fóru í golf úti á túni.

Eitthvad sýnist mér turfa ad slá grasid, enda var Peter alltaf ad týna golfkúlunni sinni...

Svo var líka farid út ad veida í Grænavatni. Ad sjálfsøgdu turfti ad klæda sig í hlý føt og stíbbur, tví engin var sólin. Og tar sem frøken Önnu misminnti hvernig sumrin á Íslandi eru, tá turfti ég ad fá lánada flíspeysuna hennar mømmu, ekki í fyrsta skipti.

Vid Peter klár í veidina.
Glæsilegur fótabúnadur.
Ég og Peter.

Peter med eitt net af fjórum sem vid løgdum.

Pabbi og Peter ad róa.

Og svo fékk ég líka ad prófa, svona til ad pósa fyrir myndavélina... ;)

Svo voru netin løgd út.
Kristinn og Peter réru heim.

Og ég réri líka smá.
Morguninn eftir fórum vid og nádum í netin. Og sjá, tad var veidi!

Pabbi ad hálsbrjóta einn...

Tad veiddust 10 silungar í allt, meira en tad hefur veidst í vatninu í einni ferd í mørg ár! Viljum vid meina ad Peter sé lukkudýr í teim efnum :)

Og svo var farid med silungana heim til Ömmu Steingerdar. Á myndinni má sjá Peter, pabba, afa Helga, Kristinn og Fridrik.

Peter med silung.

Og ég med silung, eftir ad ég hafdi fengid smá panikkskast yfir ad turfa ad halda á silungi! Jakk.

Aflamenn.
Og hér má sjá veidina í heild sinni.

Amma slægdi svo tvo af silungunum sem voru hafdir í hádegismat. Restin var send á næsta bæ í reyk.

----

Og tar med líkur myndum af Íslandsferdinni. Vid gerdum samt ýmislegt fleira, t.d. fórum vid í sund og Peter fékk nádarsamlegast leyfi til tess ad smakka íslenskan bjór og svona og svo kom Hildur Eva í heimsókn og allskonar. Og svo seinkadi fluginu okkar svo mikid ad vid misstum af fluginu okkar til Portúgal, en trátt fyrir tad eru hér ørfáar myndir frá Algarve í Portúgal, tar sem vid leigdum íbúd med vinum okkar. Med íbúdinni fylgdi einkasundlaug og var hún mikid notud. Eins lá strøndin 150 metra frá íbúdinni, auk tess sem vid bjuggum á gøngugøtu bæjarins og tví allt innan handar. Jæja áfram med smjørid:

Sól og gott vedur, ljúft ljúft.

Fórum einn daginn í klikkadan vatnsrennibrautagard, myndin af klikkudu rennibrautunum hefur tví midur ekki komid inn og ég get ekki sett hana inn án tess ad tessi færsla fari øll í klessu.
Mie og Richard, tau sem vid fórum med.

Ég og Peter.


Ad sjálfsøgdu fengu nokkrir drykkir ad renna ljúflega nidur...

Vid Peter fórum í gøngutúr einn morguninn og rákumst á fjóra sæta kettlinga inni á einum veitingastad, mússímússí!

Svo var farid í sædýragard.
Tar sáum vid medal annars høfrungasýningu.
Og sæljónasýningu.
Eitt kvøldid tegar vid fórum út ad borda birtust fimm magadansmeyjar og dønsudu í kringum okkur megnid af kvøldinu.

---

En jæja, best ad fara ad gera eitthvad. Bestu kvedjur, Anna panna.