Hættu nú þessum látalátum

Nei hættu nú alveg! Hópþrýstingur af verstu gerð! Piff.

Áðan sat ég í mínum mestu makindum hérna í Vanlöse og var að horfa á Disney Channel og sauma út. Og þá hringir hún Hildur Eva og tilkynnir mér að ég og hún og Ágústa séum að fara á djammið. Á MIÐVIKUDEGI!!! Foj.

En þar sem ég er hlýðin stelpa og áhrifagjörn, þá samþykkti ég að lokum með semingi og miklum trega ásamt hausverk að kíkja kannski pínu.

Babb í bátnum: Allt draslið mitt er niðri í Kastrup, þar sem ætlunin var nú bara alls ekki að fara á djammið á næstu dögum! Mér til mikillar blessunar á ég þó eitt par af hælaháum skóm hérna liggjandi einhversstaðar, annar skórinn er allavega við lappirnar á mér og hinn er kannski undir rúmi? Engan hef ég hárblásarann og ég hef ekki farið í sturtu í þrjá daga, svo ég verð að skella mér í sturtu heima hjá Gústu beib, ekki í fyrsta skipti svo sem ;) Og djammföt hef ég engin, nema gallapils og já, engan efripart. Sjitt. Er ekki viss um að Peter yrði hrifinn færi ég berbrjósta út...

En ég ætla núna að drífa mig. Note to myself: Muna eftir að taka Razz-flöskuna hennar Hildar með sem hún á hérna hjá mér. Sjálf á ég næstum heila vodkaflösku heima hjá Ágústu.

Later! Bestu kveðjur, Anna Djammsen