Monnímonnímonní

Ó ég er svo nísk. Fór í bæinn áðan og ætlaði svo aldeilis að eyða 50 evrum í einhverja bölvaða vitleysu til að halda upp á ódýra hjólið mitt. Ég fann nú reyndar alveg fullt af geggjuðum fötum á spottprís, en tímdi ég að kaupa þau? Nei. Meðal annars fór ég og fann þessi fínu fínu stígvél á 29 evrur (geggjuð útsala í skóbúðinni) en svo fór ég að pæla. Hvurn fjandann (afsakið orðbragðið) á ég að gera við gellustígvél? Ég á engin stígvélahæf pils og ég á þaðan af síður gallabuxur! Svo ég sleppti því að kaupa mér stígvélin og splæsti þess í stað í háreyðingarkremi. Góð bæjarferð það!

Hins vegar fatta ég það núna að ég hefði átt að kaupa mér nýja tölvumús, því mín er því miður látin. Fyrst var hún sturluð í einn dag og svo hlaut hún þessi grimmilegu örlög í gær. Ó svei því öllu saman.

Nei nú er letin alveg að gera út af við mig. Ég ætla að fara og leggja mig smá...